“Sakramento sa Sahara,” Higala, Pebrero 2026, 20–21.
Sakramento sa Sahara
Sa bata pa si Isabelle, ang iyang papa nagtrabaho sa militar sa France. Ang ilang pamilya magsige ra og balhin. Dihang nag-otso anyos na siya, namalhin sila sa Sahara Desert. Walay mga miyembro sa Simbahan sa duol, mao nga nakakuha sila og pagtugot nga magsakramento sa ilang panimalay.
Matag Dominggo, si Isabelle ug ang iyang pamilya magpundok sa sala ug manganta og mga himno nga ilang namemorya. Ang iyang papa mopanalangin sa pan ug tubig alang sa sakramento. Dayon ang iyang mga ginikanan ug mga igsoon magpulipuli sa pagpamulong.
Nagpakita kini ni Isabelle unsa kaimportante ang pagpakabuhi sa ebanghelyo. Tungod kay nagpuyo sila nga layo gikan sa ubang mga miyembro sa Simbahan, walay usa nga nasayod kon nihunong ba sila sa pagsimba sa panimalay matag Dominggo. Apan gipili nila ang pahimo sa eksakto nga butang.
Duha ka tuig ang milabay, namalhin sila balik sa France, diin didto dunay daghang miyembro sa Simbahan. Si Isabelle nabunyagan. Ang pagkakita nga ang iyang mga ginikanan nagpakabuhi sa ebanghelyo didto sa Sahara Desert nakatabang nga motubo ang iyang pagpamatuod. Naghatag kini kaniya og pagtuo sa Dios sa paghimo sa husto nga butang, bisan og walay nagtan-aw.
Nagsaad mi nga bisan asa ka nagpuyo dinhi sa kalibotan, ang Langitnong Amahan nagpakabana kanimo! Nahigugma Siya nimo ug gustong motabang nimo nga mas mahimong sama Kaniya.
Mibati nga Gamay sa Dako nga Disyerto
Ang Disyerto sa Sahara mao ang kinalapdang init nga disyerto sa kalibotan! Dali ra kang mobati nga gamay sa dako nga dapit. Apan ang Dios dili gayod mahikalimot kanato ug mahimo ra kanunay nga makig-uban kanato. Makita ba ninyo ang mga talan-awon diha sa ibabaw nga litrato?
Mga paghulagway pinaagi ni Katie Kear