“Ang Espesyal nga Trabaho ni Bristol,” Higala, Pebrero 2026, 26–27.

Si Bristol ang Mag-witness sa Bunyag

Ni Amberleigh Broker

Usa ka tinuod nga istorya gikan sa USA.

Kumusta! Ako si Bristol. Ang pagkahimong witness sa bunyag sa akong igsoong lalaki mao ang LABING NINDOT!

Dihang gibunyagan ko, duna koy duha ka witness: ang magulang nakong babaye ug manghod nakong igsoong lalaki. Ang witness mao ang tawo nga mobarog dapit sa bunyaganan aron maseguro nga eksakto ang pagkahimo sa bunyag sama sa gitudlo ni Jesus.

Kon dili ikaw matunlod tanan ilawom sa tubig o ang pag-ampo sayop ang pagkasulti, ang bunyag kinahanglan nga usbon. Sa akong pagbunyag, ang akong tiil hapit mokawan sa tubig.

Ginerbiyos kaayo ko, apan ang mga nag-witness nagbantay og maayo, ug nakita nga ang akong mga tiil wala gayod mogawas sa tubig.

LIPAY KAAYO ko dihang akong nahibaloan nga mahimo usab ako nga witness human nga ako nabunyagan. Ang akong manghod nga si Ryland nabunyagan usa ka tuig human sa akoa. Gihangyo niya ako nga maoy mag-witness!

Miingon ko oo (siyempre), apan sa kahiladman, nabalaka ko og gamay. Duna koy daghan kaayong pangutana! Asa ko dapit magbarog? Unsay akong isulti?

Dili ka angay nga mabalaka! Gipangutana nako ang tanan nakong pangutana, ug duna koy tambag nimo:

Tingali dunay samin nga makatabang aron makita ang sulod sa bunyaganan. Apan kinahanglan nga magbantay ka sa bunyag, dili sa samin. Barog dapit sa duol aron makita nimo ang tanan!
Kon ang bunyag mapahigayon sa eksaktong paagi, pahiyom ug iyango ang imong ulo. Kon imong mamatikdan nga ang bunyag kinahanglang usbon, sultihi og hinay ang tawo nga nagbunyag.
Ayaw kahadlok sa pagpangutana! Dihang nabalaka ko, nakigsulti ko ni papa. Gipasabot niya ang tanan nga butang ngari nako.

Nalipay kaayo ko nga nahimo ako nga witness alang sa akong igsoon. Tingali moabot ang adlaw nga ikaw mahimo usab nga witness!