Sinemana nga Kalingawan sa Kasulatan

Enero 26–Pebrero 1

Pagpaambit sa Imong Pagpamatuod

Kanta: “I Have Faith in the Lord Jesus Christ” (Hymns—For Home and Church, 1024)

Kalihokan: Ang Ginoo mitabang ni Enock sa pagtudlo sa ebanghelyo. Magtudlo sa ebanghelyo sama ni Enoch pinaagi sa pagpakigbahin sa imong pagpamatuod! Molitok og usa ka pag-ampo aron makadawat og tabang gikan sa Langitnong Amahan. Pagsulat o pagdrowing og usa ka butang nga imong gituohan. Dayon ipakigbahin ang imong pagpamatuod ngadto sa tawo nga imong gimahal.

Pebrero 2–8

Moises 7

Usa sa Kasingkasing ug Usa sa Hunahuna

Kanta: “Maghigugmaay” (Songbook sa mga Bata,, 196)

Mga Kasulatan: Moises 7:18

Kalihokan: Ang mga katawhan sa Zion “usa sa kasingkasing ug usa sa hunahuna.” (Moises 7:18). Nagpasabot kana nga nagserbisyo sila sa usag usa ug nagtinabangay. Praktisa ang pagtinabangay pinaagi sa paghimo og lumba gamit ang tulo ka tiil! Uban sa kapares, paggamit og scarf [panyo] nga ihigot sa usa sa imong tiil ngadto sa usa niya ka tiil. Unsa kapaspas kamong makadungan sa paglihok?

Pebrero 9–15

Genesis 6–11; Moises 8

Sunda ang Propeta

Kanta: “Come, Hear the Word the Lord Has Spoken” (Hymns—For Home and Church, 1031)

Kasulatan: Genesis 6:14–22

Kalihokan: Gamita ang origami nga mga instruksiyon sa paghimo og papel nga sakayan. Dayon paklia ngadto sa pahina 49 aron guntingon si Noe ug ang iyang mga hayop sa pag-adto sa sulod! Samtang maghimo ka sa imong arka, paghisgot og mga paagi nga imong ikapakita sa Langitnong Amahan nga ikaw mapasalamaton sa Iyang mga panalangin.

Origami nga Arka ni Noe

Pagpilo og rektanggulo nga papel ngadto sa katunga nga pinababag.
Ituyok ang papel aron ang pilo naa sa ibabaw.
Pil-a ang sa ibabaw nga mga kanto pasulod ug paubos aron makahimo og mga trayanggulo diha sa tunga.
Pil-a ang usa sa ilawom nga rektanggulo nga mga piraso paibabaw.
Baliha ug pil-a ang gagmay nga mga trayanggulo paubos.
Pil-a ang usa sa ilawom nga rektanggulo nga mga piraso paibabaw.
Biraha ang mga kilid sa opening nga magbulag hangtod ang papel maporma og usa kwadrado.
Pil-a ang ilawom nga kapay-kapay aron mag-abot diha sa ibabaw.
Baliha ug mao gihapon ang buhata sa laing kilid aron makaporma og trayanggulo.
Biraha pagawas ang kinaubsan sa mga trayanggulo aron maporma og kwadrado.
Biraha ang gawas nga nagpunting paubos ug sapyaa.
Iduso ang mga kilid og gamay aron makompleto ang arka!

Pebrero 16–22

Genesis 12–17; Abraham 1–2

Nakadungog ang Dios sa Akong mga Pag-ampo

Kanta: “Close as a Quiet Prayer” (Hymns—For Home and Church, 1030)

Kasulatan: Abraham 1:15–16

Kalihokan: Ang Dios makadungog sa inyong mga pag-ampo. Paghimo og usa ka banner sa pag-ampo. Sa gagmayng piraso sa papel, pagsulat o pagdrowing og mga butang nga gusto nimong iampo o isulti ngadto sa Langitnong Amahan. Dayon lungagi ug ibitay kini sa usa ka hilo. Gamita kini nga bandera aron makahatag nimo og mga ideya kon unsa ang iampo. Paghangyo og usa ka ginikanan o lider sa Primary mahitungod sa usa ka panahon nga ang Dios midungog sa ilang pag-ampo.