“Ang Bunyag usa ka Makalipay nga Gasa,” Higala, Enero 2026, 2–3.
Gikan sa Kapangulohan sa Primary
Ang Bunyag usa ka Makalipay nga Gasa
Dihay kausa nga nakaistorya nako ang usa ka batang lalaki nga nahadlok nga mabunyagan. Nabalaka siya nga manubag na siya sa tanan niyang mga sala.
Gisultihan nako siya nga ang bunyag usa ka makalipay nga gasa, ug dili siya kinahanglan nga mahadlok. Sa higayon nga mabunyagan ka na, ang Langitnong Amahan mas makatabang pa nimo! Si Presidente Nelson mitudlo nga sa higayon nga mabunyagan ka ug mohimo og pakigsaad sa Dios, dili gyod Siya mohunong sa pagtabang nimo.* Ang Langitnong Amahan nagdapit kanimo sa pagdawat sa gasa sa Espiritu Santo aron mogiya nimo sa higayon nga makompirmahan ka na. Ug kon makahimo ka og sayop nga pagpili, makahinulsol ka ug mapasaylo kay ang Anak sa Langitnong Amahan nga si Jesukristo, nagbayad na sa silot sa imong mga sala.
Panalangin kaayo nga nagdapit ang Langitnong Amahan kanimo sa edad nga otso anyos aron mohimo og pakigsaad ngadto Kaniya aron makapanalangin pa gayod Siya kanimo og daghan pa! Dako kaayong kalipay ang nagpaabot kanimo samtang imong buhaton kini nga lakang sa pagsunod ni Jesukristo.
Kon Ako Bunyagan, ako …
Makahinumdom sa akong mga saad sa bunyag samtang moambit ko sa sakramento.
Makabaton sa pagpakig-uban sa Espiritu Santo kanunay.
Mahisakop sa Simbahan ni Jesukristo.
Makadala ngari kanako sa ngalan ni Jesukristo ug makasunod Kaniya sa matag adlaw.
Mga Paghulagway pinaagi ni Bryan Beach