“Hello gikan sa Pilipinas!” Higala, Enero 2026, 8–9.
Hello gikan sa Pilipinas!
Ang Pilipinas usa ka dakong grupo sa mga isla sa kasadpan nga Kadagatan sa Pasipiko. Sobra sa 100 ka milyon ka tawo ang nagpuyo diha! Ang opisyal nga mga pinulongan mao ang Filipino ug English.
Isla nga Nasod
Adunay sobra sa 7,640 ka isla sa Pilipinas. Ang mga tawo nagpuyo sa mga 2,000 niini nga mga isla.
Chocolate sa Ting-init
Ang Chocolate Hills anaa sa isla sa Bohol. Atol sa panahon sa ting-uga, kini nga mga bungtod mo-brown ug moparehas tan-awon sa dagkong mga nagbugdo nga tsokolate!
Dako Kaayo nga Agila
Ang Philippine eagle mao ang nasodnon nga langgam ug maoy usa sa dagkong mga agila sa kalibotan.
Pangisda gamit ang Kawayan
Ang mga tawo dinhi ganahan mangisda. Usa ka paagi sa ilang pagdakop og isda mao ang paghapak sa tubig gamit ang taas nga kawayan. Makuratan ang mga isda niini ug mopadulong ngadto sa pukot.
Panahon sa Pagsaulog!
Sa Pilipinas, magsaulog kami sa Pasko sulod sa upat ka bulan, sugod sa Septiyembre. Magsugod kami sa pagpatukar og musika sa pasko ug magbutang og dekorasyon hangtod mahuman ang kapanahonan sa sayo nga bahin sa Enero.
Mga paghulagway pinaagi ni Minna Miná