“Andam nga Molakaw Kuyog ni Jesus,” Higala, Enero 2026, 4–5.
Andam nga Molakaw Kuyog ni Jesus
Hello!
Kami si Hailey ug Violet, kaluha nga managsoon nga taga Arizona, USA. Gusto mi nga mosunod sa ehemplo sa Manluluwas, mao nga nangandam mi aron mabunyagan!
Ganahan mi nga maglakaw sa may suba duol sa among balay. Sa higayon nga mabunyagan mi, magsugod mi og bag-ong espirituwal nga paglakaw uban ni Jesus! Ang Espiritu Santo mag-uban kanamo samtang maningkamot mi sa pagsunod sa Manluluwas matag adlaw.
Usahay mamunit mi og gagmayng puti nga mga kinhason sa daplin sa suba. Nagpahinumdom ni namo sa usa ka butang nga gisaad sa Manluluwas: “Bisan pa ang inyong mga sala mapula, sila pagapution ingon sa niyebe” (Isaias 1:18). Tungod ni Jesukristo, makahinulsol kami ug malimpyo pag-usab human mi makahimo og sayop nga pagpili. Magsul-ob mi og puti sa adlaw sa among bunyag aron mahinumdom usab niini.
Ang among papa maayo kaayong molabay og gagmayng mga bato sa suba! Gitudloan mi niya kon unsaon sa pagbuhat niini, ug nag-anam mi og kamaayo matag higayon nga mosulay mi. Mao kini ang samang paagi nga si Jesukristo mao ang perpekto nga Magtutudlo. Gusto Siya nga motabang nato nga makakat-on ug motubo.
Danglog ang mga bato sa suba, ug makatabang ang paggunit sa kamot sa among mama. Si Jesus kanunay nga anaa kon nagkinahanglan mi og tabang. Ug kon mabunyagan mi, mosaad mi nga motabang sa uban sama sa Iyang paagi!
Ganahan mi nga maglakaw subay sa suba kuyog sa among pamilya. Kon mabunyagan na mi, maanaa na mi sa dalan sa pakigsaad nga mogiya balik ngadto sa among langitnong panimalay. Makauban namo ang among pamilya sa kahangtoran!
Naghinamhinam ko nga mabunyagan kay gusto ko nga mosunod sa ehemplo ni Jesus. Makapakita ko sa Langitnong Amahan nga gusto ko nga motuman sa mga sugo.
Violet W., edad 7, Arizona, USA
Gusto ko nga mosunod ni Jesukristo. Human ko mabunyagan, madawat nako ang Espiritu Santo, ug ang Espiritu Santo makatabang nako nga magmaisogon.
Hailey W., edad 7, Arizona, USA