Adan ug Eva

Si Adan ug si Eva sa Tanaman sa Eden kauban sa mga hayop

Si Adan ug si Eva mao ang unang mga anak sa Langitnong Amahan nga nagpuyo sa yuta. Nagpuyo sila sa Tanaman sa Eden.

Ang Dios mitugot kanila sa pagkaon sa bunga sa matag kahoy gawas sa usa. Kon sila mokaon gikan sa kahoy sa kahibalo sa maayo ug sa daotan, kinahanglan sila nga mopahawa sa tanaman ug sa kadugayan mamatay. Apan gibakakan sila ni Satanas. Miingon siya nga kon sila mokaon sa bunga, mahibalo sila sa maayo ug sa daotan apan dili mamatay.

Si Eva nagkuha og prutas gikan sa kahoy sa kahibalo sa maayo ug sa daotan

Gipili ni Eva nga mokaon siya sa bunga.

Mga kamot ni Eva nga nagtunol sa bunga ngadto sa mga kamot ni Adan

Dayon gihatagan niya si Adan og pipila ka bunga. Gipili usab niya nga mokaon niini.

Si Adan ug si Eva nga nanago sa libon sa dihang nagpakita ang Langitnong Amahan ug si Jesukristo

Miduaw ang Dios ug si Jesukristo nila, apan si Adan ug si Eva nahadlok ug mitago. Nangutana ang Dios kon mikaon ba sila sa bunga sa kahoy.

Si Adan ug Eva nga nagsul-ob og kupo nga mga panit ug mibiya sa Tanaman sa Eden

Misulti si Adan ug si Eva nga mikaon sila sa prutas. Karon kinahanglang mobiya sila sa Tanaman sa Eden. Apan ang Dios dunay plano para nila. Karon sila nahibalo na sa maayo gikan sa daotan ug makabaton na og mga anak.

Misaad si Adan ug si Eva nga mosunod sa mga sugo sa Dios. Daghan pa sila og nahibaloan mahitungod sa Anak sa Dios nga si Jesukristo. Nalipay sila kay motabang Siya sa ilang pamilya nga makabalik sa Dios.