“Sa dili Madugay Mag-Otso Anyos na Ko”

Sa dihang hapit na mag-sayis anyos ang akong anak nga babaye, gipaningkamotan namo kutob sa mahimo nga makakita siya sa mga bunyag sa ubang mga bata. Human sa matag bunyag, makig-istorya mi niya mahitungod sa unsay nahitabo. Gitabangan namo siya aron makasabot nga kon sakto na ang iyang pangedaron aron mabunyagan, makahimo na siya sa paghukom sa sakto gikan sa sayop. Human sa matag bunyag, mosulti siya, “Sa dili madugay mag-otso anyos na ko ug mabunyagan usab ako.”

Hangtod nga nag-otso anyos na ang akong anak nga babaye. Nabunyagan siya ug nakumpirmahan. Karon naangkon niya ang gasa sa Espiritu Santo. Gisultihan namo siya nga ang usa sa labing maayong paagi nga mapadayon niyang makauban ang Espiritu Santo mao ang pag-ambit sa sakramento.

Kon moambit ka sa sakramento, mosaad ka nga mohinumdom kanunay ni Jesukristo. Ang Espiritu Santo motabang nimo sa pagbuhat sa mga butang nga gitudlo ni Jesus ug mopahinumdom nimo kon unsay imong nakat-onan mahitungod Kaniya sa panimalay ug sa Primary. Ang Espiritu Santo makigsulti sa hinay, gamay nga tingog ug motabang nimo aron makasabot kon unsa ang sakto ug unsa ang sayop.

Karon ang akong anak nga babaye ganahan kaayo sa sakramento! Ug ikaw mahimo usab. Samtang ikaw moambit sa sakramento matag semana ug mohinumdom ni Jesukristo, mas mabati nimo ang Espiritu Santo, ug Siya mopadayon sa paggiya kanimo. Makahimo ka sa paghinumdom kanunay ni Jesukristo.

Mga Lakang sa Pakigsaad

Kolori ang matag talan-awon aron makasunod samtang nangandam ang anak nga babaye ni Elder Ojediran sa paghimo ug sa pagtuman sa iyang pakigsaad sa bunyag.

Mga paghulagway pinaagi ni Samantha Windley