“Stap Lukluk Fored from Ol Yut Program,” Fren, 38–39 Novemba 2025.
Stap Lukluk Fored from Ol Yut Program
Samtaem yu filim se yu fraet smol o harem nogud blong lego Praemeri long yia we yu kasem 12 yia blong yu. !Yu yu laki, i gat plante gudfala samting taem yu kasem 12 yia mo joenem Yang Woman klas o Aronik Prishud kworom! Hemia sam long olgeta nomo.
1
Tempol
!Yu save mit wetem bisop blong yu blong kasem wan tempol rekomen mo mekem baptaes blong olgeta we oli ded long tempol!
2
Ol Aktiviti mo Ol samting we bae Oli Hapen
Bae yu gat plante aktiviti wetem ol yang woman blong yu o Aronik Prishud grup. !Bae yu save go tu long ol yut kamp blong gat gud taem wetem ol narawan taem yufala i stap lanem abaot Jisas Kraes mo gospel blong Hem!
3
Givim Seves long Jos
Maet bae yu save kasem wan koling blong givim seves insaed long wan klas o kworom presidensi. !Bae yu save gat ol janis ia tu blong save tijim klas blong yu, help blong mekem plan blong ol aktiviti, mo givim seves long ol nara wei!
4
Konfrens blong Seminari mo FSY
Long yia we yu kasem 14 yia blong yu, yu save stat blong atendem seminari blong lanem moa abaot Jisas Kraes mo gospel blong Hem we i bin kambak. Yu save atendem ol konfrens blong FSY ( Blong Ol Yut Oli Kam Strong) wetem ol nara yut we oli lavem mo wantem blong folem Jisas Kraes.
5
!Niufala Samting blong YU!
-
Wetem help blong Papa mo mama, sabskraeb long Blong Ol Yut Oli Kam Strong magasin long websaet blong Jos.
-
Askem papa mo mama blong daonlodem Gospel Living Ap. Ap ia i gat ol gudfala aedia blong lanem gospel mo mekem ol gol blong program blong ol Pikinini mo ol Yut.
-
Stadi long Blong Ol Yut Oli Kam Strong: Wan Gaed Buk blong Stap Mekem Ol Joes. Smol buk ia oli bin raetem blong helpem yu blong folem Jisas Kraes.
-
Yu mo famli blong yu i save fanem ol stori we i save leftemap tingting blong yufala, ol miusik, ol anaonsmen, mo moa long Strive to Be ol sosol media akaon.