“Ol Toktok blong Mi blong Gospel,” Fren, 10 Novemba 2025.
Ol Toktok blong Mi blong Gospel
!Lukaotem ol toktok mo sentens ia insaed long namba ia blong Fren!
Taeting
Blong pem taeting hem i blong givimbak long Papa long Heven wan aot long ol ten (10 pesen) blong ol mane we yumi stap kasem i go long Jos blong Hem. Taeting i help blong bildim ol tempol mo jos mo sapotem wok blong Jos. !Taem yumi pem taeting, Papa long Heven i blesem yumi long plante wei!
Ol Bubu
Ol bubu blong yumi oli ol pipol we oli laef insaed long famli blong yumi longtaem i pas, olsem ol apu blong ol apu blong yumi. Ol bubu oli ol impoten pat blong famli histri blong yumi. Yumi save lanem abaot olgeta, tingbaot olgeta, mo mekem tempol wok blong olgeta blong mekem se yumi save stap tugeta blong oltaem.
Indeksing
Indeksing i wan wei blong helpem ol narawan blong faenem ol bubu blong olgeta! Yumi taepem ol nem we oli stap long ol olfala pepa rekod i go long kompiuta mekem se ol pipol i save faenem ol famli memba blong olgeta mo ol rekod abaot laef blong olgeta. Hemia i help wetem famli histri mo tempol wok mekem se moa pipol oli save sil tugeta blong oltaem. !Ol pikinini tu oli save help wetem indeksing!
Ded from Gospel
Inglis toktok ia martyrdom i hapen taem oli kilim wan i ded from samting we oli bilif long hem. Josef Smit mo brata blong hem Haeram oli bin kilim ded tufala from tufala i bilivim, laef folem, mo tijim gospel blong Jisas Kraes we i bin kambak.
Ol pikja droing i kam long Madison Baker