?Wanem I Hapen Taem Profet I Ded?

Lod i singaotem ol profet blong lidim Jos blong Hem, mo Hem i gat wan plan i stap blong taem wan long olgeta i ded. !Oltaem Hem i lidim mo daerektem Jos blong Hem!

Taem we Presiden blong Jos i ded, Kworom blong Olgeta Twelef Aposol i lidim Jos. Naoia i tekem tu tufala Aposol we oli ol kaonsela insaed long Fas Presidensi.

Ol Aposol oli prea mo disaed long wetaem bae oli oganaesem wan niu Fas Presidensi.

Lod i singaotem Aposol we i givim seves longtaem moa bitim ol narawan blong kam nekis profet mo Presiden blong Jos.

Tru long niufala profet, Lod bae i singaotem tu Aposol olsem ol kaonsela insaed long Fas Presidensi.

Bae oli singaotem wan niu Aposol blong givim seves insaed long Kworom blong Olgeta Twelef Aposol.

Long taem blong jeneral konfrens, yumi leftemap han blong yumi blong sastenem niufala Fas Presidensi mo Kworom blong Olgeta Twelef Aposol. Blong sastenem i minim se yumi agri blong lavem mo sapotem olgeta mo folem gaed blong olgeta olsem ol wokman blong Lod.

Taem oli singaotem wan niu Presiden blong Jos o Aposol, yu save prea blong save se God nao i singaotem hem. !Mo yu save sastenem mo sapotem olgeta taem yu stap lisin long ol toktok blong olgeta mo folem olgeta!