Josef i Ded from Gospel

Plante pipol oli kros long Josef Smit mo long Jos Oli no laekem wanem we Josef i bin stap tijim. Sam long olgeta oli wantem blong kilim hem.

Josef i mas go long siti blong Carthage blong wan jaj i save disaed sapos hem i bin brekem loa. Josef i blesem Ema mo ol pikinini blong hem, i kisim mo talem tata long olgeta, mo i go long Carthage

Brata blong Josef Haeram mo ol nara fren oli go wetem hem. Taem oli aot Josef i lukluk i go bak long Nauvu. “Ples ia i wan naesfala ples mo ol bes pipol we oli stap long wol ia,” hem i talem.

Long Carthage oli putum ol man long kalapus. Haeram i stap ridim Buk blong Momon long olgeta. Josef i talem long ol gadman se Buk blong Momon i tru.

Samtaem long dei ia, ol man ia we oli kros oli ron wetem masket oli kam insaed long kalabus. Oli stat blong sut i go insaed long rum we Josef mo ol fren blong hem oli stap long hem. Haeram mo Josef i bin ded.

Ol Sent oli sore tumas taem oli faenemaot se Josef mo Haeram i bin ded. Be oli save se bae Jos i gohed blong gro mo blesem ol pikinini blong God raon long wol.