Ol Aktiviti blong Kam Folem Mi

Lod i lavem wokman blong Hem Hyrum Smit from “fasin blong stap tru mo strong long hat blong hem” (Doktrin mo Ol Kavenan 124:15). Faenem mining blong toktok ia fasin blong stap tru mo strong mo tokbaot wetem famli blong yu. Droem wan bigfala hat long wan pis papa. Insaed long hat, droem o raetem wan samting we yu save mekem blong gat fasin blong stap tru mo strong.

Taem Brigham Young i kam bak long misin blong hem, Lod i komandem hem blong i tekem kea long famli blong hem (luk long Doktrin mo Ol Kavenan 126). Mekem wan frem mo dekoretem mo putum wan pikja blong famli blong yu long hem. ?Olsem wanem nao bae yufala i save lukaotem gud wanwan long yufala?

Ol bodi blong yumi oli olsem ol bodi blong Papa long Heven mo Jisas Kraes (luk long Doktrin mo Ol Kavenan 130:22). !Plei long gem ia blong selebretem bodi blong yu! Tekem taem mo jusum wan aksen, olsem jiam o rabem hed. Ol narawan bae oli kopi aksen ia.

Jisas Kraes i gat lav mo i kaen (luk long Doktrin mo Ol Kavenan 133:52). Putum nem blong wanwan insaed long wan bol. Pikmap wan nem mo no letem hem i save se bae yu givim seves long hem long wik ia.

Josef Smit i Profet blong Restoresen (luk long Doktrin mo Ol Kavenan 135:3). Droem ol pikja blong laef blong hem. ?Olsem wanem nao bae yu save se hem i wan profet?