iVakamacala ni Koniferedi

E vakavulica o Peresitedi Oaks ni matavuvale sa usutu ni kosipeli i Jisu Karisito. Ni se cauravou lailai o koya, a mate o tamana. Ia a vakavulici koya o tinana ena kosipeli, ka solia vua na inuinui kei na vakacegu. Eda sotava na matavuvale na bolebole, ia e rawa ni tu kece vei keda na inuinui ni rawa ni da tiki ni dua na matavuvale tawamudu.

Droinitaka e dua na iyaloyalo ni nomu matavuvale.

E kaya o Elder Eyring ni gauna a tiko kina ena koliji, e dredre vua na fisiki kei na fika. A ulabaleti ka vinakata me sa vakasuka. Ni sa masu, a vakila o koya na vakacegu ka vakayaloqaqataki. A vulica ni rawa ni cakava na ka kecega ena vukui Karisito, o koya sa vakaukauwataki keda kece (raica na Filipai 4:13). Nida sotava na veigauna dredre, ena tiko vata kei keda na Tamada Vakalomalagi kei Jisu Karisito.

Droinitaka se vola e dua na gauna o cakava kina e dua na ka dredre a veivuke kina o Tamada Vakalomalagi kei Jisu Karisito.

E wasea o Elder Brown ni a lewena na Lotu mai Jamaica. Era taroga na nona itokani, “E rawa vakacava mo lewena tu na lotu oya? “O vakabauta dina na kece oya?” Ia rawata o koya e dua na ivakadinadina mai vua na Yalo Tabu, ka dinata tu ga na nona ivakadinadina. Nida digitaka meda vakadinata, ena tubu na noda ivakadinadina.

A tukuna o Sisita Spannaus e dua na italanoa ni iVolatabu me baleta e dua na marama ka a sureta na parofita o Ilaisa me laki kana ena nona vale. A tara sara mada ga na marama oqo e dua na rumu ena nona vale me rawa ni tiko kina o Ilaisa. A vakadeitaka vua na Yalo Tabu ni o koya e parofita ni Kalou. O keda talega e rawa ni tiko na noda ivakadinadina me baleti ira na parofita ni Kalou. E rawa nida dolava na lomada ka talairawarawa kina nodra veidusimaki.

A vosa o Sisita Browning me baleta na bibi ni sere ni Lalai. E kaya ni sere ivakatagi sa dua na iyaya ni cakacaka e rawa ni vukea me teivaki na sorenikau ni ivakadinadina e lomada. Nida lagata na sere ni Lalai, eda sa lagata tiko na noda ivakadinadina ni kosipeli vakalesuimai. E vinakati keda dina o Jisu meda sa matanisiga!