E Mate o Josefa ena Vuku ni Kosipeli

Wili niusipepa tiko na tamata ena tauni era cudru

E vuqa na tamata era a cudruvi Josefa Simici kei na Lotu. Era sega ni taleitaka na ka a vakatavulica tiko o Josefa. Eso era a via vakamatei koya sara mada ga.

Mokoti iratou nona matavuvale o Josefa Simici

A gole o Josefa kina koro levu o Carthage me rawa kina vua e dua na turaganilewa me lewa ke a voroka na lawa o koya. A vakalougatataki Ema kei iratou na luvena o Josefa, reguci iratou ena vakamoce, ka biubiu ki Carthage

Rau vodo ose o Josefa kei Airame ka railesuva tiko na Valetabu tara vakavo tu e Nauvu

A gole vata kei Josefa na tuakana o Airame kei na so tale na itokani. Ni ratou a biubiu, a rai lesu ki Nauvu o Josefa. “Oqo na vanua totoka duadua kei ira na tamata vinaka duadua e rukui lomalagi,” a kaya o koya.

Vosa tiko o Josefa vei ira na yadra e Vale ni Veivesu e Kaceji, ni wili ivolanikalou voli o Airame

E ratou a bala na tagane ki na vale ni veivesu e Kaceji. A wilika vei iratou o Airame na iVola i Momani. A tukuna o Josefa vei ira na yadra ni dina na iVola i Momani.

Era tovolea tiko na tagane tauri dakai me curu ki loma ni rumu ni ratou sogota matua na katuba o Josefa kei ratou nona itokani

E muri ena siga o ya, era a cici yani ki na vale ni veivesu na tamata cudru tauri dakai. Era a tekivu vanavana yani ki na rumu a tiko kina o Josefa kei iratou nona itokani. Rau a qai vakamatei kina o Airame kei Josefa.

Era veivakacegui vakai ira na Yalododonu taumada ni tu mai dakudra na Valetabu e Nauvu ena dua na delana

Era a rarawa sara vakalevu na Yalododonu ni ra qai kila ni rau sa mate o Josefa kei Airame. Ia era a kila tu ni na tubu cake tikoga na Lotu ka vakalougatataki ira na luvena na Kalou e vuravura taucoko.