Na Cava ena Yaco ni Mate na Parofita?

Sa kacivi ira na parofita na Turaga mera liutaka na Nona Lotu, ka sa tiko e dua na Nona ituvatuva ni sa mate e dua vei ira. E dau dusimaka ka liutaka tiko na Nona Lotu!

Ena gauna sa mate kina na Peresitedi ni Lotu, sa na liutaka kina na Lotu na Kuoramu ni Apositolo Le Tinikarua. Oqo e oka kina na rua na Apositolo ka rau daunivakasala tiko ena Mataveiliutaki Taumada.

Eratou na masu na Apositolo ka lewa na gauna me ratou tauyavutaka kina e dua na Mataveiliutaki Taumada vou.

Na Turaga ena kaciva na Apositolo e balavu duadua na nona veiqaravi me sa parofita ka Peresitedi ni Lotu e tarava.

Mai vua na parofita vou, sa kaciva kina na Turaga e rua na Apositolo me rau daunivakasala ena Mataveiliutaki Taumada vou.

Ena kacivi e dua na Apositolo vou me veiqaravi ena Kuoramu ni Apositolo Le Tinikarua.

Ena gauna ni koniferedi raraba, eda laveliga meda tokoni iratou na Mataveiliutaki Taumada vou kei na Kuoramu ni Apositolo Le Tinikarua. Na laveliga veitokoni e kena ibalebale me da vakadonuya meda lomani ira ka tokoni ira ka muria nodra veituberi me vaka ni ra italai ni Turaga.

Ni sa kacivi e dua na Peresitedi vou ni Lotu se Apositolo, sa rawa nio masulaka mo kila ni kacivi ira na Kalou. Ka na rawa nio laveliga ka tokoni ira ena nomu rogoca na nodra vosa ka muri ira!