“Nanamaki kina Parokaramu ni iTabagone,” iTokani, Noveba 2025, 38–39.
Nanamaki kina Parokaramu ni iTabagone
Nio biubiu mai na Lalai ena yabaki 12 e rawa ni o vakila na rere se rarawa sara mada ga. E kalougata, ni vuqa tu na ka taleitaki me baleta nomu sa yabaki 12 ka mai lewena na nomu kalasi ni Goneyalewa se kuoramu ni Matabete i Eroni! Oqo e vica ga.
1
Na Valetabu
E rawa nio sota vata kei nomu bisopi mo rawata kina e dua na ivolatara ni valetabu ka lai papitaiso ena vukudra na mate ena valetabu!
2
iTaviqaravi kei na Soqo
Ena levu na nomu itaviqaravi ena nomu ilawalawa ni Goneyalewa se Matabete i Eroni. E rawa talega nio gole kina keba ni itabagone mo veilasamaki kina kei ira tale eso nio vulica tiko me baleti Jisu Karisito kei na Nona kosipeli!
3
Veiqaravi ena Lotu
Sa rawa mo kacivi mo veiqaravi ena dua na mataveiliutaki ni kalasi se kuoramu. Ena tu talega na madigi eso mo vakavulica kina na nomu kalasi, veivuke ena tuvalaki ni itaviqaravi, ka veiqaravi ena sala tale eso!
4
Koniferedi ni Semineri kei na MST
Ena yabaki o yabaki 14 kina, sa rawa mo tekivu lako kina semineri mo vulica eso tale na ka me baleti Jisu Karisito kei na Nona kosipeli vakalesui mai. E rawa talega nio tiko ena koniferedi ni MST (Me iSakisaki ni iTabagone) vata kei ira tale eso na itabagone era lomana ka vinakata me muri Jisu Karisito.
5
Lewena Vou me baleti IKO!
-
Ena nona veivuke e dua na itubutubu, volayaca ki na mekasini ni Me iSakisaki ni iTabagone ena mataveilawa ni Lotu.
-
Taroga e dua na itubutubu me baleta na kena lavetaki na Gospel Living App. E tu kina na vakasama lasa eso ni vulici ni kosipeli kei na navunavuci me baleta na parokaramu ni Gonelalai kei na ni iTabagone.
-
Vulica na Me iSakisaki ni iTabagone: iDusidusi ni Vakayaco Digidigi. A volai na ivolalailai oqo me vukei iko mo muri Jisu Karisito.
-
O iko kei na nomu matavuvale e rawa ni kunea na italanoa veilaveti, sere ivakatagi, veika kacivaki, kei na vuqa tale ena akaude ni vakauitukutuku raraba ni Strive to Be .