“Noqu Vosa ni Kosipeli,” iTokani, Noveba 2025, 10.
Noqu Vosa ni Kosipeli
Vakasaqara na veivosa kei na malanivosa oqo ena ilavelave oqo ni iTokani!
iKatini
Na saumi ikatini sai koya na noda solia lesu vei Tamada Vakalomalagi ena noda cau ni dua na ikatini (10 na pasede) ni ilavo eda rawata ki na Nona Lotu. Na ikatini e vukea na tara ni valetabu kei na veimatalotu ka tokona na cakacaka ni Lotu. Nida sauma na ikatini, e dau vakalougatataki keda ena vuqa na sala na Tamada Vakalomalagi!
Ira na Qase e Liu
O ira na qase e liu era tamata ena noda matavuvale era a bula ena dua na gauna balavu sa oti, me vakataki ira na tubuda vakavica. O ira na qase e liu era tiki bibi ni noda tuva kawa. E rawa ni da vulica me baleti ira, nanumi ira, ka cakava na cakacaka ni valetabu ena vukudra me rawa ni da duavata kina me tawamudu.
Tuvai vakamatanivola
Na tuvatuva vakamatanivola e dua na sala e rawa ni da vukei ira kina na tani mera kunei ira na nodra qase e liu! Eda taipataka na yaca mai na ivolatukutuku makawa ena kompiuta me rawa kina vei ira na tamata mera vakasaqara na lewe ni nodra matavuvale ka kunea na ivolatukutuku eso me baleta na nodra bula. Oqo ena veivuke kina tuva kawa kei na cakacaka ni valetabu me rawa nira vauci vata kina e vuqa cake na tamata me tawamudu. O ira sara mada ga na gone e rawa nira veivuke ena tuva matanivola!
Solibula ena Vakabauta
E dau yaco na solibula ena vakabauta ni mate e dua ena vuku ni nona vakabauta e dua na ka. O Josefa Simici kei na tacina o Airamu erau a vakamatei ena vuku ni nodrau vakabauta, bulataka, ka vakavulica na kosipeli vakalesui mai i Jisu Karisito.
Droini mai vei Madison Baker