“O A Mea Tatou Te Faia i le Malumalu?” Uo, Oketopa 2025, 38–39.
O A Mea Tatou Te Faia i le Malumalu?
Aisea e talanoa tele ai perofeta e uiga i le malumalu? E le na o se fale aulelei. O le malumalu o le maota paia o le Atua. I totonu, tatou te faia ai folafolaga i le Atua ma maua Ana faamanuiaga faapitoa. O le mea lava lea e tasi tatou te faia mo tagata o ō tatou aiga ua maliliu. O le malumalu o se nofoaga faapitoa foi lea e mafai ona e lagonaina ai le Agaga Paia ma maua ai le filemu ma le olioli.
O nisi nei o aafiaga o le a e maua i le malumalu i se aso!
O Papatisoga ma Faamauga o le Malumalu
Na a’oa’o mai Iesu Keriso e tatau ona papatisoina i tatou ina ia toe nonofo faatasi ai ma le Atua (tagai i le Ioane 3:5). Afai e maliu se tagata e aunoa ma le papatisoina, e mafai ona papatisoina ma faamauina se tasi mo i latou i totonu o le malumalu. O le tagata ua maliu e mafai ona filifili e talia sauniga, auai i le Ekalesia a le Alii, ma maua le Agaga Paia. E mafai ona e faia papatisoga ma faamauga i le malumalu i le tausaga e atoa ai lou 12.
O Le Faaeega Paia
I le taimi o le faaeega paia, o le a e a’oa’o ai e uiga i le Tama Faalelagi ma le ata o le faaolataga a Iesu Keriso. O le a e faia folafolaga e mulimuli ia Iesu Keriso ma tausi Ana poloaiga. Pe a e faia ni folafolaga ma le Atua, e Na te folafola mai ia te oe faamanuiaga faapitoa. O se meaalofa ofoofogia!
O Le Faamauga
I le faamauga o le malumalu, ua folafola atu ai i aiga e mafai ona faatasia i latou e faavavau. Afai tatou te usitai i le Atua, e mafai ona tatou toe nonofo faatasi ma o tatou aiga pe a mavae le oti.
Ata na tusia e Bryan Beach