Ua Malaga Jane Manning i Navu

O le mea sa nofo ai Jane Manning, sa lē lelei le faiga o ia e nisi tagata ona o le lanu o lona pa’u. I se tasi aso, na faalogo ai o ia i se aoaoga a se faifeautalai. Mulimuli ane sa papatisoina o ia.

Sa papatisoina foi le aiga o Jane. Sa mananao uma i latou e faatasi ma le Au Paia i Navu. O lea na amata ai la latou malaga.

Sa mananao le aiga o Jane e malaga i le vaa mo se vaega o le malaga, ae sa le lava a latou tupe. O lea sa tatau ai ona latou savavali i le 800 maila (1,300 km).

Sa latou sopoia se vaitafe loloto ma momoe i fafo i le malulu. Ae sa latou naunau lava e taunuu i Navu. Sa latou faamalosiau i latou lava e ala i le pepese a o latou savavali.

Sa savavali pea lava pea le aiga o Jane seia oo ina masaesae o latou seevae ma lavevea o latou vae. Ae ina ua latou tatalo i le Atua mo se fesoasoani, sa Ia faamaloloina o latou vae.

Na latou fesoasoani i tagata sa latou feiloai i ai i la latou malaga. Na latou fesoasoani foi e faamālōlō se tamaitiiti ma’i ona o lo latou faatuatua.

Mulimuli ane, na taunuu Jane ma lona aiga i Navu! Ina ua faalogo Iosefa i mea uma na latou oo i ai, sa ia fai atu ia Jane, “Faamanuia le Atua ia te outou. Ua outou i ai nei faatasi ma ni uo.”