Mulimuli ia Iesu i Finelani

E mulimuli Viljami ia Iesu Keriso e ala i le tatalo ma alu i lotoa o le malumalu. E mulimuli Eino ia te Ia e ala i le agalelei i lona uso ma lona tuafafine. “Pe a ou mulimuli ia Iesu, ou te lagona le lelei,” o le tala lea a Eino.

E mulimuli foi Viljami ma Eino ia Iesu e ala i le o i le lotu ma o laua matua. Ina ia o’o atu i le lotu, latou te savavali ma pu’e se pasi. O Finelani e mafai ona matuai malulu lava, o lea latou te laei ina ia sili atu le mafanafana pe a latou o i le lotu i le taumalulu!

Tausaga: Viljami e 7 ma Eino e 5

Mai: Pirkanmaa, Finelani

Gagana: FaaFinelani

Sini: E mana’o Viljami e a’oa’o e faaaoga masini eletise. E mana’o Eino e aau i le taumafanafana ma a’oa’o le taaloga o le parkour.

Mea e fiafia i ai: E fiafia Viljami e taalo lakapi, ma Eino e fiafia i le badminton ma le aau.

Aiga: Viljami, Eino, Tina, Tama, tuafafine

Tala o le Tusi Paia: E fiafia Viljami i le taimi na papatisoina ai Iesu Keriso, ma e fiafia Eino i le taimi na fanau mai ai o Ia.

Tu ma Aga Masani a le Aiga: E fiafia Eino pe a fai e lona aiga totia i Aso Sa.

Mea’ai mai Finelani: E fiafia Viljami i i’a ma karjalanpaisti (o se kaleve aano o manufasi, faaFinelani).

Fualaau Suamalie ma Fualaau Faisua: E fiafia Viljami i moli mandarin ma kukama, ae e fiafia Eino i strawberry, raspberry, ma kukama.

Lanu: E fiafia Viljami i lanu uma se’i vagana ai le enaena, ma o Eino e fiafia i le nuanua.

Pese a le Peraimeri: E fiafia Eino i le “Lo’u Tama” (Tusipese a Tamaiti, 211).