O A’u Upu o le Talalelei

Pa’ia o lona uiga o le mamalu po’o le mamana. Tatou te tauivi mo le paia e ala i le mulimuli i poloaiga ma tausia feagaiga (po o folafolaga) tatou te osia ma le Atua. O upu “E Paia i le Alii—le Maota o le Alii” o loo i le faitotoa o malumalu uma.

O le upu faamauga o lona uiga o le tuufaatasia o se alii ma se tamaitai ma le la fanau mo le faavavau. O lona uiga e mafai ona latou faatasi e faavavau i le lagi i se aso. O se faamauga o se sauniga e faia i totonu o le malumalu.

E toatele tagata ua maliliu e aunoa ma le a’oa’oina e uiga ia Iesu Keriso ma papatisoina i Lana Ekalesia. Pe a tatou faia papatisoga mo e ua maliliu i le malumalu, tatou te laei papae e pei lava o le taimi na papatiso ai i tatou. Ae nai lo le papatisoina mo i tatou lava, ua papatisoina i tatou e sui i se tasi ua maliu. O le a ta’ua le igoa o lena tagata i le tatalo o le papatisoga, ma o le a latou maua le avanoa e talia ai le faamanuiaga o le papatisoga.

O lo tatou faasinomaga moni o le tagata moni lea ua tatou i ai. O i tatou uma o fanau agaga faapelepele a ni matua faalelagi. E ala i le mulimuli i le fuafuaga a le Atua, e mafai ai ona tatou a’oa’o, tuputupu a’e, ma avea e faapei o lo tatou Faaola, o Iesu Keriso.

Tatala le PDF

Ata na tusia e Madison Baker