“O Ma’a e Lima a Tavita,” Uo, Oketopa 2025, 20–21.

Ma’a e Lima a Tavita

Saunia e Sister Andrea Muñoz Spannaus

Fesoasoani Lua i le Au Peresitene Aoao o Tamaitai Talavou

Sii mai le “Faamaoni e Oo i le Iuga,” Liahona, Me 2024, 59–61.

I le Feagaiga Tuai, sa ofo atu Tavita e tau ma se tagata tinoese e igoa ia Koliata (tagai i le 1 Samuelu 17). E le’i fefe Tavita auā na ia iloa o le a puipuia o ia e le Atua ma fesoasoani iā te ia.

Na ao mai e Tavita ni ma’a lamolemole se lima, ma tago i lana ma’ata, ma alu atu e faafesaga’i ma le tagata tinoese. Ae a pe a faapea o ma’a taitasi e lima a Tavita e faatusa i se malosiaga tatou te manaomia ina ia tatou manumalo ai i luitau o tatou olaga? Sa ou mafaufau i mea nei e ono fetaui i ai:

O le ma’a o lo’u alofa i le Atua.
O le ma’a o lo’u faatuatua i lo tatou Faaola, o Iesu Keriso.
O le ma’a o le malamalama i lo’u faasinomaga moni.
O le ma’a o lo’u salamo i aso taitasi.
O le ma’a o lo’u mauaina o le mana o le Atua.

O le mana o le Atua o se mana moni lea e fesoasoani ia i tatou e fetaiai ma luitau ma faia filifiliga lelei. O le a se mea e mafai ona tatou faia ina ia faateleina ai le mana o le Atua i o tatou olaga?

O le taiala Mo Le Malosi o le Autalavou o loo faamalamalama mai ai: “O feagaiga e faafesoota’ia ai oe i le Tama Faalelagi ma le Faaola. Latou te faateleina ai le mana o le Atua i lou olaga.”

Faatasi ai ma Iesu Keriso, o le a mafai ai ona e faatoilaloina Koliata uma tou te fetaiai.

Ma’a Vali

O lou taimi lenei! Fai se ma’a faamanatu e fesoasoani ia te oe e faatoilalo ai au Koliata.

Filifili se ma’a lamolemole
Tusi i luga o lau ma’a nisi o auala e faamanuia ai oe e le Atua.
Tusi pe vali i luga o le maa e teuteu ai.
Tuu lau ma’a i se mea o le a faamanatu atu ai ia te oe le alofa ma le mana o le Atua i lou olaga.