O Gaoioiga o le Sau, Mulimuli Mai ia te A’u

Soo se taimi lava e fausia ai se malumalu, e faia se tatalo faapitoa e faapaia, pe vaetofia ai, le malumalu i le Atua (e pei ona i ai i le Mataupu Faavae ma Feagaiga 109). E mafai ona e a’oa’o atili e uiga i malumalu e ala i le aoina mai o kata o le malumalu i le itulau e 12. Fai sau lava kata o le malumalu e faatatau i le malumalu e sili ona latalata ia te oe! Pe alu foi i le itulau e 13 e fatu ai ni faatusa o le malumalu i i fasi pepa ua saesae.

E faafofoga mai lava le Tama Faalelagi i taimi uma i a tatou tatalo (tagai i le Mataupu Faavae ma Feagaiga 112:10–11 Ina ia fesoasoani ia te oe e saunia ai e tatalo, taumafai e tusi i lalo pe tusi se ata o mea e te manao e tatalo atu ai. E mafai ona e faaaofia ai se mea e te faafetai ai, se tasi e manaomia se fesoasoani, ma se mea e te manaomia ai se fesoasoani.

Ua faaigoaina e Iesu Lana Ekalesia toefuataina, “O Le Ekalesia a Iesu Keriso o le Au Paia o Aso e Gata Ai” (tagai i le Mataupu Faavae ma Feagaiga 115:3–6). Tusi i lalo upu taitasi o lenei igoa i luga o se fasi pepa. Faataape fasi pepa. Ona taumafai lea e faatulaga lelei le igoa o le Ekalesia. Vaai pe o le a le saoasaoa e mafai ona e faia ai!

Pe a e taumafai e mulimuli ia Iesu Keriso, o mea laiti e mafai ona faia se eseesega tele! (Tagai i le Mataupu Faavae ma Feagaiga 59:15–17.) Mulimuli i faatonuga o loo i le itulau e 34 e gaugau ai se vaalele pepa. Ona fai lea o se isi vaalele pepa ae faamisi se tasi o laasaga. O le fea e sili atu ona lelei? Aisea e Taua ai gaugau tai tasi uma?