Magkauban sa Pagdula

Ni Jane McBride

Usa ka tinuod nga istorya gikan sa USA.

Magul-anon si Diego. Mibalhin ang iyang pamilya sa bag-o nga dapit. Gimingaw siya sa iyang mga higala gikan sa iyang gipuy-an sa una.

Batang lalaki nga guol tan-awon samtang nakigdula sa iyang manghod nga babaye

Si Diego makigdula na karon sa iyang manghod nga babaye nga si Cara. Apan ganahan usab siya og bag-o nga higala.

Lalaki ug babaye nga gipaila-ila ang ilang mga anak nga lalaki sa usag usa

Wala madugay usa ka pamilya ang mipuyo sa tupad nga balay. Sila adunay batang lalaki, sama niya! Ang iyang ngalan mao si Sam.

Si Diego ug Sam kauban nga magdula kada adlaw.

Batang lalaki nga nagdula og dulaan nga mga tren; usa ka batang lalaki nga nagpakalma sa iyang manghod nga babaye nga naghilak

Usa ka adlaw samtang sila nagdula, nakit-an ni Diego si Cara nga magul-anon. Tingali gimingaw sab siya.

Mapahiyomon nga batang lalaki ug malipayon nga batang babaye nga nagbukhad sa iyang mga bukton

“Ganahan ka ba nga makigdula namo?” Nangutana si Diego.

Mipahiyom og maayo si Cara. “Magdula!”

Duha ka batang lalaki ug usa ka batang babaye nag-uban og dula sa dulaan nga mga tren

Si Diego, Sam, ug Cara magkauban nga nagdula sa mga tren. Gitulod nila og pabalik-balik ang dulaan nga mga tren nga sakyanan. “Choo-choo!” Mipahiyom si Diego. Nalingaw siya, ug si Cara usab!