“Ang Gahom sa Dios Usa ka Gasa!” Higala, Septiyembre 2025, 20–21.
Ang Gahom sa Dios Usa ka Gasa!
Gikuha gikan sa “Magpuyo Sumala sa Inyong mga Pribilihiyo,” Liahona, Nob. 2024, 7–10.
Bag-ohay lang mibisita ako sa Harmony, Pennsylvania, USA. Didto, ubos sa mga kahoy nga maple, ang pagkapari gipahiuli ngadto ni Joseph Smith ug Oliver Cowdery. Miadto usab ko sa panimalay diin nagpuyo si Joseph ug Emma Smith. Sa sulod, nagbarog ko sa may bintana ug namalandong kon unsa kaha ang gihunahuna ni Emma samtang naglantaw sa gawas diha niana nga bintana.
Ang Ginoo mihatag ni Emma og importante nga mensahe pinaagi sa Iyang propeta, si Joseph. Mabasa nato kini nga mensahe diha sa Doktrina ug mga Pakigsaad 25.
Una, gitudloan sa Ginoo si Emma nga may dapit siya sa Iyang plano. Gipahinumdoman Niya siya nga anak siya nga babaye diha sa Iyang gingharian.
Ikaduha, ang Ginoo naghatag kaniya og katuyoan. Si Emma adunay importanteng gimbuhaton sa Pagpahiuli. Gihangyo siya sa pagtudlo sa mga kasulatan ug sa paghimo sa unang himno!
Kataposan, ang Ginoo mitudlo ni Emma mahitungod sa iyang mga pakigsaad. Ang pagtuman sa iyang mga pakigsaad makatabang niya nga mobati sa Espiritu, mahimong mas maayo, ug makadawat og direksiyon alang sa iyang kinabuhi.
Akong gipanghinaot nga makakat-on kamo kon sa unsang paagi nga ang mga ordinansa sa pagkapari ug mga saad diha sa pakigsaad motugot sa gahom sa Dios nga modagayday diha sa inyong kinabuhi. Kitang tanan makagamit sa gasa sa gahom sa Dios. Matag higayon nga kita moambit sa sakramento. Matag higayon nga kita mosulod sa templo.
Itsa-itsa nga Dula sa Musika
Si Emma Smith gihangyo sa paghimo sa unang libro sa himno. Manganta gihapon kita og mga himno karon! Magpuli-puli sa pag-itsa og sinsilyo o laing gamay nga butang ngadto sa board. Kon matumong kini sa usa ka litrato, paghunahuna og kanta mahitungod niana nga hilisgotan [topic]. Dayon kantana kini ninyong tanan!
Mga paghulagway pinaagi ni Shawna J. C. Tenney