Dali, Sunod Kanako nga mga Kalihokan

Ang templo usa ka dapit diin ang Dios makapanalangin kanato (tan-awa sa Doktrina ug mga Pakigsaad 95:8). Pagtukod og imong kaugalingon nga templo gamit ang mga kubito nga asukal [sugar cubes], mga bloke, o mga aytem nga gikan sa kinaiyahan! Dayon padad-i kami og litrato sa imong nahimo. Paklia ang luyo nga hapin aron makita kon unsaon.

Ang mga kasulatan nagtudlo, “Pagmalinawon ug hibaloi nga Ako mao ang Dios” (Doktrina ug mga Pakigsaad 101:16). Kini nagpasabot nga kon kita maggahin og panahon nga magbaton og balaang pagtahod, mabati nato nga duol ngadto sa Langitnong Amahan. Pagdula niini nga dula mahitungod sa dili paglihok. Usa ka tawo ang modagan ug mosulay sa pagdakop sa tanan. Kon ang usa ka tawo madakpan, sila mobarog nga dili gayod maglihok. Sa dili pa sila modagan og usab, sila mosulti og usa ka butang nga ilang nahibaloan mahitungod sa Langitnong Amahan.

Kita mahimong kahayag alang sa uban pinaagi sa pagsunod sa ehemplo ni Jesukristo ug pagserbisyo sa uban (tan-awa sa Doktrina ug mga Pakigsaad 103:9). Paklia ngadto sa pahina 13 aron maghimo og inyong kaugalingong kandila nga hinimo gamit ang kamot!

Importante nga maminaw sa propeta ug sa apostoles sa Dios (tan-awa sa Doktrina ug mga Pakigsaad 107:22–23). Pagbasa og istorya diha sa pahina 4 mahitungod sa pagkuha og mga tubag gikan sa kinatibuk-ang komperensiya. Pagsulat og kaugalingon nimong mga pangutana diha sa pahina 6. Makakita ka usab og mga kalihokan nga imong mahimo samtang maminaw ka sa komperensiya.