“Lima ka Pan ug Duha ka Isda,” Higala, Septiyembre 2025, 2–3.
Gikan sa Kapangulohan sa Primary
Lima ka Pan ug Duha ka Isda
Gikan sa usa ka interbiyo uban ni Lucy Stevenson Ewell.
Usa sa akong paborito nga istorya anaa sa Bag-ong Tugon. Sobra sa lima ka libo ka tawo ang naminaw sa Manluluwas nga nagtudlo tibuok adlaw. Nagsugod na sila og pagbati og kagutom.
Usa sa mga disipulo miingon, “Aniay batang lalaki dinhi nga may lima ka pan nga sebada ug duha ka isda. Apan mag-unsa man kini alang niining daghang tawo?” (Juan 6:9).
Gihangyo sila ni Jesus nga dad-on ang pagkaon ngadto Kaniya, ug Siya nag-ampo. Dayon usa ka milagro ang nahitabo. Adunay igong pagkaon aron ipakaon sa tanan. Ug adunay 12 ka basket sa pan nga nahabilin!
Gusto nakong hinumdoman ninyo kon kinsa ang nagdala sa pan ug isda. Kini usa ka batang lalaki! Iyang gihatag ang tanan nga anaa niya ngadto sa Manluluwas.
Ang mga bata importante kaayo ngadto sa Langitnong Amahan. Kon kamo mosunod ni Jesukristo pinaagi sa pagserbisyo sa uban, Siya mopanalangin kaninyo.
Kamo Makahatag Usab!
Pagdrowing og hulagway sa paagi nga kamo makaserbisyo sa uban.