Ang Akong Pagpamatuod sa Musika

Ni Serena C., edad 10, Chaco, Argentina

Batang babaye nga naglingkod sa lingkoranan sa usa ka klasrom kauban sa usa ka madre sa katoliko nga nagbarog sa atubangan sa kwarto

Sa akong nasod, kadaghanan sa mga tawo Katoliko. Nag-eskwela ko sa usa ka Katoliko nga eskwelahan.

Sa dihang anaa pa ako sa ikaduhang ang-ang sa grado, ang akong magtutudlo nagpatukar og musika samtang naghimo kami sa among mga kalihokan nianang adlaw. Usa ka hapon, nangutana siya kon aduna bay gustong mopili og usa ka kanta nga paminawon. Mag-otso anyos na ako nianang tuiga ug nag-andam alang sa akong bunyag. Ang mga pulong “Gusto ko nga makit-an ang bangaw” miabot sa akong hunahuna. Mihangyo ko sa akong magtutudlo sa pagpatukar sa kanta nga “Kon Ako Bunyagan” gikan sa Ang Simbahan ni Jesukristo sa mga Santos sa Ulahing mga Adlaw. Ang akong magtutudlo miuyon ug nangita niini.

Sa wala madugay ang kanta gipatukar nga mapaminaw sa tanan diha sa akong klasrom. Sa sinugdanan ang pipila sa akong mga kauban sa klase nahibulong nga mitan-aw nako, apan taud-taod nabati nako ang Espiritu Santo sa akong kasingkasing. Mipuno kini nako sa kalinaw.

Nianang adlawa sa akong pagbiya sa eskwelahan, gibati nako ang hillabihan nga kalipay nga akong gipakigbahin ang ebanghelyo ngadto sa akong mga kauban sa klase pinaagi sa akong paborito nga kanta sa Primary. Sa akong hunahuna usa kadto ka maayong paagi sa pag-andam kanako sa pagdapit sa akong mga higala ngadto sa akong bunyag.