“Kumusta gikan sa Puerto Rico!” Higala, Septiyembre 2025, 8–9.
Kumusta gikan sa Puerto Rico!
Ang Puerto Rico usa ka grupo sa mga isla sa Caribbean. Sobra sa 3 ka milyon ka tawo ang nagpuyo didto.
Matahom nga Templo ug Siyudad
Ang San Juan mao ang kapital sa Puerto Rico. May templo sila didto! Ang siyudad sobra na sa 500 anyos ug adunay daghang matahom nga mga baybayon.
Dalan Payong
Ang Calle de la Fortaleza mao ang dalan nga kasagaran adunay mga dekorasyon nga nagbitay taliwala sa mga bilding. Ang dalan dugay na nga gidayandayanan sa daghan og kolor nga mga payong, mga tabanog, ug mga bandila.
Nagsanag nga Tubig
Adunay tulo ka bahiya sa Puerto Rico nga mag-sanag ang tubig tungod sa mga organismo nga anaa niini. Gagmayng mga linalang nga anaa sa tubig mopasanag sa tubig kon molihok kini! Labing makita kini sa gabii.
Daghan og kolor nga mga Langgam
Ang Taga-Puerto Rico nga emeralda nga tamsi ug ang Taga-Puerto Rico nga periko makita lamang sa Puerto Rico.
Musika ug Sayaw
Ang Bomba maoy usa ka matang sa musika ug sayaw sa mga Taga-Puerto Rico. Naglakip kini sa mga tambol, kanta, sayaw nga nagsaysay og mga istorya mahitungod sa katawhan sa Puerto Rico.
Litrato sa “Young Folk Dancers in Puerto Rico” ni Bob Krist pinaagi sa Getty Images