Pagtukod sa Nauvoo

Ang unang mga Santos nga nagpuyo sa mga tolda daplin sa Suba sa Mississippi

Ang Ginoo miingon sa mga Santos nga magpundok sa usa ka bag-o nga dapit. Kini duol sa usa ka dako nga suba, diin ang yuta basa ug lapokon. Mura kini og dili usa ka nindot nga dapit nga tukoran og siyudad. Apan ang Propeta Joseph Smith nakahibalo nga pinaagi sa tabang sa Ginoo, sila makapanindot niini.

Lalaki nga nagpas-an og kahoy, usa ka kabayo ug karomata nga adunay mga gamit alang sa pagtukod, ug mga kabin nga hinimo sa troso

Si Joseph Smith ug ubang kalalakin-an nagbutang og mga bloke samtang sila nagtukod og balay

Ang mga Santos naningkamot og maayo aron himoon kini nga usa ka maayong dapit nga puy-an. Gitawag ni Joseph ang lungsod og Nauvoo, nga nagpasabot og “usa ka matahom nga dapit.”

Si Joseph Smith nga gitudlo sa usa ka dapit diha sa bungtod alang sa templo

Gusto sa Ginoo nga ang Iyang mga Santos magtukod og templo sa Nauvoo. Ang katawhan dali dayon nga nagsugod sa pagtrabaho.

Si Joseph Smith nga nagtudlo sa ubang Santos diha sa usa ka balay

Ang Ginoo adunay dako nga mga panalangin nga ihatag sa Iyang katawhan. Diha sa templo, sila maghimo og mga pakigsaad, o espesyal nga mga saad, ngadto sa Ginoo. Sila usab magkat-on mahitungod sa plano sa kalipay sa Langitnong Amahan alang sa tanan Niyang anak.

Ang mga Santos nagtrabaho og maayo sa pagtukod sa templo. Miabot kini og taas nga panahon, apan sila mahinamon nga makat-on mahitungod sa espesyal nga mga saad sa Ginoo alang kanila diha sa Iyang templo.