Na Yagomu E iSolisoli!

Na yago era duidui na kedra ilelevu, ibulibuli, igu, kei na kedra roka. Na yago yadua e isolisoli vakasakiti mai vua na Kalou ka dua na tiki bibi ni Nona ituvatuva!

E dodonu me rokovi na yago kece. Vosavinakataka na yagomu kei na yagodra tale na so. Era na tukuna beka na tamata na veika ca me baleti iko, ia e sega ni gadrevi mo vakabauti ira se kauwaitaka nodra vosa.

Na yagomu sa vale ni yalomu. Na ka o biuta ki yagomu kei na nomu mona e bibi! Eda rawa ni qarauna na yagoda nida kania na kakana bulabula, vakaukauwa yago, ka dau moce vinaka.

E rawa ni da qarauna na yaloda nida vakarorogo ki na Yalo Tabu, masu, ka digitaki na dodonu.

E levu na tamata e tiko vei ira e sivia na 200 na sui. Na nomu sui era tokona ka taqomaka na yagomu. Na nomu viciko e vukei iko mo toso, lako, ka cici.

Na valavu ni nomu uto e tadola ka tasogo ena sivia na 100,000 na gauna ena dua na siga. Oqo ena vukea na pamutaki ni dra ki yagomu taucoko.

E cakacaka vakaukauwa na nomu mona me kila na veika kece o raica, rogoca, ka vakila. E kaukauwa ka totolo cake mai na komupiuta cava ga.

Nio sa qase cake tiko, ena tubu na yagomu. Ea bulia na yagomu na Tamada Vakalomalagi me veiveisau tikoga ena nomu bula taucoko!

Na ka o cakava ena yagomu e bibi cake sara mai na kena irairai. O dau vakayagataka beka mo dau yalovinaka kina vei ira na tani kei iko ka muri Jisu Karisito kina?

Kakua ni vakatauvatana na yagomu kivua edua tale. Nanuma tiko, ni yagomu e isolisoli mai vua na Tamada Vakalomalagi!

Droini mai vei Jeff Harvey