“Lako Mai, Mo Muri Au iTaviqaravi,” iTokani, Me. 2025, 22–23.
Lako Mai, Mo Muri Au iTaviqaravi
Me baleta na lotu vakamatavuvale se vuli ivolanikalou—se ka ni lasa ga!
28 ni Epereli–4 ni Me: Vunau kei na Veiyalayalati 41:44
Cina Damudamu, Cina Drokadroka
E vakavulica na ivolanikalou na bibi ni kena muri na ivakaro ni Kalou (raica na Vunau kei na Veiyalayalati 42). Me duri edua na tamata me iliuliu e matadra na ilawalawa. Nira kaya “cina drokadroka,” sa rawa nira toso ki liu na tamata kecega. Nira kaya “cina damudamu,” mera tu vakadua na tamata kecega!
5–11 ni Me: Vunau kei na Veiyalayalati 45
Na Davui ni Agilosi
Ena uvuca edua na davui edua na agilosi ni lesu tale mai o Jisu Karisito (raica na Vunau kei na Veiyalayalati 45:45). Cakava ga na nomu davui pepa! Viviga edua na tiki ni pepa me vaka edua na davui ka dregata me tasogo. E rawa talega nio cakava edua na kena itubetube se droinitaka eso na iwirini me kena itabataba. Qai vakatovotovotaka mo vosa mai na nomu davui ka tukuna na vuna o lomani Jisu Karisito kina.
12–18 ni Me: Vunau kei na Veiyalayalati 46–48
Bilo ni Yalovinaka
Na Kalou e solia vei ira vakayadua na tamata na isolisoli vakayalo. Sa kena ibalebale oya nio Koya e vakalougatataki keda ena taledi mai vua na Yalo Tabu (raica na Vunau kei na Veiyalayalati 46:11–33). Raica e dua na joke se bilo lala. Ena so na tiki ni pepa, vola kina na taledi se isolisoli duidui eso ka rawa ni tiko vua edua. Moni qai veivukevuke ni digidigi mai na joke, ka cavuta na yacana edua o kila ka tiko vua na isolisoli oya!
19–25 ni Me: Vunau kei na Veiyalayalati 49–50
Muria na Sala
Na kosipeli i Jisu Karisito e dau vakatokai vakawasoma me veiyalayalati tawamudu (raica na Vunau kei na Veiyalayalati 49:9, 12–14). Sa vakatoka talega o Peresitedi Nelson me salatu ni veiyalayalati. Ena vica na tikinipepa, vola kina eso na sala eda rawa ni muri Jisu Karisito kina. Cakava edua na sala ena pepa ka veivukevuke ena taubale kina.
iTaba mai vei Christina Smith