“Nuidei ena mata ni Kalou,” iTokani, Me 2025, 02–03.
Ai Tukutuku ni Koniferedi mai vua na Parofita
Nuidei ena mata ni Kalou
Tauri mai na “Nuidei ena Mata ni Kalou,” Liaona, Me 2025, 127–29.
Nida cakava ka maroroya na veiyalayalati, sa rawa nida nuidei mai vua na Yalo Tabu. E rawa nida nuidei ni dau rogoci keda ka lomani keda vakalevu cake na Tamada Vakalomalagi mai na kena eda rawa ni kila vinaka. E rawa nida nuidei ni vinakata o Koya me vukei keda me da yacova na noda icavacava cecere duadua. Na loloma cecere kei na ivalavala dodonu e dolava na sala kina nuidei ena mata ni Kalou!
Na loloma cecere vei ira na tamata kecega sa ivakatakilakila ni dauveisaututaki! Meda masu vua na Tamada Vakalomalagi me vakasinaita na yaloda ena loloma cecere.
Na ivalavala dodonu ena vinaka cake ka marau kina na veika kecega! Kevaka e tiko vei iko e dua na vakanananu ca, dua na vakanananu luluqa, se dua na vakanananu rarawa, na ivalavala dodonu ena vakasava tani na veivakanananu oqori.
Na noda vakanananu, ivosavosa, kei na ivalavala e dodonu me vakasinaiti ena ivalavala dodonu kei na loloma uasivi i Karisito vei ira na tamata kecega. Au sureti kemuni mo ni tubu cake ena nomuni nuidei ena mata ni Turaga.
Mo na Vulica
Droinitaka se vola na nomu isau ni taro oqo me baleta na itukutuku nei Peresitedi Nelson.
-
O na vakaraitaka vakacava beka na nomu loloma kei na loloma cecere vei ira tale eso?
-
Na cava beka e dua na ka vinaka e rawa nio vakasamataka kevaka e votu mai nomu vakasama e dua na vakanananu ca, luluqa, se rarawa?
Na ivolanikalou cava a vakayagataka o Peresitedi Nelson me vakavuvulitaka kina na loloma Vakarisito kei na ivalavala dodonu? (Vakasama: E rawa nio vakayagataka na nomu ivolanikalou mo raica kina!)
-
Ipiriu 11:1
-
Emosi 3:7
Droini mai vei Josh Talbot