Erau Vakabula na iVolanikalou o Meri kei Karalaini

A yabaki 12 o Meri Rolini ena imatai ni gauna a vulica kina me baleta na iVola i Momani. A kerea edua na ilavelave ka dau yadra tu ena vuqa na bogi me wilika.

Iro tiko o Meri ki na katuba ni sitoa ni tabaivola

A marautaka talega o Meri edua na ivola vou ka vakatokai na iVola ni iVakaro. E tiko kina e vuqa sara na ivakavuvuli a solia o Jisu Karisito vei Josefa Simici.

Era basuka na katubaleka ni dua na vale ka ceburaka na draunipepa na tamata vakaiyaragi

Ia eso na tamata era a sega ni taleitaka na Lotu. Dua na siga, eso na tagane era a basuka na vale ka tabaki tiko kina na iVola ni iVakaro. Era a kolotaka ki tuba na misini ni tabaivola mai na katubaleka, ka ra ceburaka na draunipepa ki gaunisala.

Rau tiko ena lomaleqa o Meri kei Karalaini mai na daku ni bai

Erau vuni o Meri kei tacina gone, o Karalaini, ka sarasara. A vinakata o Meri me maroroya na draunipepa ni bera nira vakacacani. A rere o Karalaini, ia erau kila tu ni tiko ena veidraunipepa oya na vosa ni Kalou.

Rau cici o Meri kei Karalaini ki na loma ni loga ni sila vata kei na draunipepa

Erau a cici yani na veitacini ki gaunisala ka kauta mai na levu ga ni draunipepa erau kumuna rawa. Eso na tagane era a raici rau ka ra kailavaka mai me rau lako tani. Rau a qumia matua na draunipepa o Meri kei Karalaini ka cici yani ki na dua na loga ni sila voleka.

Rau vuni o Meri kei Karalaini e loma ni veisila

Rau a cici muri rau e rua na tagane. Rau a davo ena qele o Meri kei Karalaini ka rau bika na draunipepa. Erau a vakarorogo ena vakanomodi nirau vakasaqarai rau tiko na tagane.

Rau vakarorogo tiko o Meri kei Karalaini vei Josefa Simici ni vunau

Sega ni dede erau sa soro na tagane. Erau sa drobula o Meri kei Karalaini! Erau sa taqomaka rawa na draunipepa. Nikua era sa tabaki tu na veivakavuvuli oqori ena Vunau kei na Veiyalayalati.