Muria na We ni Yavana

Mai vei Gabe M., yabaki 9, Kalifonia, Amerika

Droini ni turaga qase ni taubale voli ena uca cevata ka rau muria tiko na we ni yavana mai dakuna edua na gonetagane kei na goneyalewa

Dua na siga keitou a lako vakamatavuvale vata kei bubu kei tutu me vakasisisi ena waicevata. Keitou a taubale yani ki na dua na vanua rabailevu ka ubia tu e vica vata na fute na uca cevata. Ea dredre dina na taubale kina! Ea dredre vei ganequ me taubale ena uca cevata, ka mani kaya kina o tutu, “Muria ga na we ni yavaqu.”

Keirau sa tekivu butuka yani kei ganequ na we ni yavana. Ni oti edua na gauna au a vinakata meu tovolea meu lako vakataki au vakalailai ga. Niu taubale duadua ena uca cevata, ea dredre cake sara!

Ea rawarawa cake na muria na we ni yavai tutu baleta ni sa cakava oti o koya na tiki dredre ni taubale ena uca cevata. Au vakadinadinataka ni sa cakava oti o Jisu Karisito na tikina dredre duadua. Kevaka o muria na we ni yavai Jisu, ena rawarawa talega na nomu bula.