Vuli mai na Koniferedi

Vakamuria na idusi mo yaco ki na valetabu. Na cava o sa vakanamata tiko kina me baleta na lako kina valetabu ena dua na siga?

Ena koniferedi keitou dau vakayacana vakamatavuvale na bilo ni veika kamikamica ena vosa me vaka na vakabauta, valetabu, kei na masu.. Ni da rogoca e dua vei ira na vosa, e rawa nida taura na kamikamica mai na kena bilo. Na veimalanivosa oqo e vukei au meu vakasamataki Jisu ka vakarorogo kina vosa.

Jane C., yabaki 6, Quebec, Kenada

Au taleitaka na koniferedi raraba baleta mai na vosa au rawa ni vakila kina na Yalo Tabu ka vulica e levu tale na ka me baleti Jisu Karisito.

Tomas P., yabaki 8, Buenos Aires, Argentina

E vakavuvulitaka o Elder Gary E. Stevenson ni ivakatakilakila ni Lotu e vakavotuya vei keda nio Karisito sa iusutu ni noda Lotu ka dodonu me usutu talega ni noda bula.

Droinitaka e dua na laini me veisotari kei na ivakamacala kei na veitiki yadua ni ivakatakilakila.

• Na vatu i vakadei sai koya na vatu bibi duadua ena yavu ni dua na vale. Na yaca ni Lotu e tiko ena loma ni dua na vatu i vakadei me vakananuma vei keda ni o Jisu Karisito na Vatu i Vakadei Cecere Sara.

• Na liga dodo tu ni iVakabula e matataka na Nona yalayala me mokoti ira kece era lako mai Vua.

• Na yavu e duri tu kina e ra o Jisu Karisito e matataka na gauna a tucake mai kina mai na ibulubulu, ka tucaketale. E bula tiko o Koya, ka da muri Koya!