iVakamacala ni Koniferedi

Veivuke mai Lomalagi

A vosa oPeresitedi Oaks me baleta na veika e solia vei keda na Tamada Vakalomalagi me vukei keda meda digitaka na dodonu. Na noda veivuke kaukauwa sai koya na noda iVakabula, o Jisu Karisito. Ena Vukuna, sa rawa ni da vosoti ka bula tale ni da sa mate. E solia talega vei keda na Tamada Vakalomalagi na ivakaro, na cakacaka vakalotu kei na veiyalayalati, kei na Yalo Tabu me vukei keda ka dusimaki keda.

Droinitaka e dua na sala e vukei iko kina na Tamada Vakalomalagi!

Voleka vua na iVakabula

E kaya oPeresitedi Eyring ni se gone, a dau vakayacori na soqoni ni sakaramede ena yakavi. Ena dua na bogi butobuto ka batabata, a vakila e dua na rarama kei na katakata vinaka ena loma ni valenilotu ni vakayagataka na sakaramede. Ni ra lagata na qaqana “iVakabula, moni tiko vata kei au ena bogi nikua,” a vakila o koya na nona loloma kei na veivolekati na iVakabula mai vua na Yalo Tabu.

Droinitaka e dua na sala e rawa nio toro voleka kina vei Jisu Karisito.

Vakabauta, Lewena, Yaco

O Sisita Wright a wasea na sala e rawa ni da tisaipeli nei Jisu Karisito ena noda bula taucoko. E rawa nida vakabauti Koya ena noda vulica na veika baleti Koya ka vakila na Yalo Tabu. E rawa nida nei Jisu Karisito kei na Nona Lotu ena noda cakava ka maroroya na veiyalayalati. Ka rawa nida yaco me vakataki Koya ena noda muria na Nona ivakaraitaki.

E Dua na iSolisoli Talei

A vosa o Elder Kearon me baleta na ivakarau tudei e vuravura raraba ni soli iloloma. Eda solia na iloloma eda solia ka ciqoma. O ira mada ga na peniquini era dau solia vakai ira yadua na vatu serau me iloloma! E dua na isolisoli bibi mai vua na Tamada Vakalomalagi o ya na noda kila nida sa Luvena yalewa vakamareqeti ka luvena tagane talei dina sara. Nida ciqoma dina na isolisoli oqo, sa rawa nida kila se o cei o keda kei na taucoko ni noda lomani.

E Dua na Lomalagi Kalokalo

O Elder Tai kei na nona matavuvale eratou a keba ena ruku ni kalokalo. Eratou taroga na luvena se cava eratou sega ni raica rawa kina na kalokalo mai vale. E vakamacalataka ni o dukadukali e vakadredretaka na raici ni kalokalo. Na veivagolei tani kei na veitemaki e rawa ni vakabuwawataka na noda rai vakayalo. Ia ena vakabauta, eda na kila ni rau sa dau tu ga e kea na Tamada Vakalomalagi kei Jisu Karisito.