“Kakua ni Muria na Koli Oya!” iTokani, Me 2025, 8–9.
Kakua ni Muria na Koli Oya!
Sa mai vua beka na Yalo Tabu na ka a vakilai oqo?
E dua na italanoa dina mai Amerika.
“Tou lako!” a kailavaka yani o Lauren ni sivita na gaunisala.
A dara o Marcie na nona isala. “Au sa lako yani!”
A qaqia sobu na nona basikeli o Marcie ena gaunisala vei rau na nona itokani. E dau taleitaka me qitotaka na qito cava ga vata kei Lauren kei Cassidy. Ia, edau taleitaka vakalevu sara me vodo basikeli vata kei rau.
Niratou vodo basikeli sobu na goneyalewa ena gaunisala, sa tekivu muri iratou mai o Rokete na koli nei nodratou neiba.
“O sega,” a kaya o Cassidy. “Ena gadrevi medatou kauti koya tale i vale!”
Ia a sega ni via lesu i vale na koli. Eratou kacivi koya me tuvakadua, ia a toso tikoga o Rokete. Se cava ga eratou a cakava, ea cici wavoki ka yavalata na buina. Ea ka ni lasa tiko vua!
Ni ratou muri Rokete tiko na goneyalewa, a raica o Macie ni vou vua na veivale. Sa yawa tani tiko ga mai na nona gaunisala. A sega ni kila o Marcie edua e vakaitikotiko ena veivale oqo!
Keitou lako tiko ki vei? A vakasamataka o Marcie. Au na rawa beka ni kunea na noqu sala lesu tale?
A saga o Marcie me kua ni lomaleqa ka toso tiko ga ki liu. Ia a lesu tale mai na yalo a vakila e liu. E dua na ka a tukuna tiko vua me lesu i vale.
A vakelea o Marcie na nona basikeli e bati ni sala. A kaya ena domo levu, “De dodonu me tou lesu tale ena gauna oqo!”
“E gadrevi me tou na kauti Rokete lesu i vale!” a kaya o Cassidy. O koya kei Lauren erau a vodo muria tiko ga na koli.
Ea sega ni logaloga vinaka tiko ga o Marcie. Na cava a lomaleqa tiko kina vakalevu? Erau a vakila tale tiko beka ga na nona itokani na ka oya?
De dua e baleti au ga na ka au vakila oqo, a nanuma o Marcie. Sa mai vua beka na Yalo Tabu? A papitaiso ka vakadeitaki ena vica na vula sa oti, ka rau a vakavulici koya o Nana kei Tata me baleta na vakarorogo ki na Yalo Tabu. Erau a kaya nio Koya ena vosa vei koya ena veika e vakila e yalona se ki na nona vakasama. A kila ni na tuberi koya o Koya kevaka me vakarorogo.
A vakila tale na ka a vakila e liu. Ena gauna oqo ea kaukauwa cake. Kakua ni muria na koli oya.
“Au sa lesu tale,” a kacivaka yani o Marcie vei rau nona itokani.
“Sa donu!” A kaya o Lauren.
A vuki lesu o Marcie ka muria lesu na sala a lako mai kina. Ni yaco yani ki vale, a biuta tu na nona basikeli ena lomanibai ka curu ki loma. Ea osooso tiko o Nana e valenikuro.
“Bula, Nana,” a kaya o Marcie. “Au sa lesu tale mai. Au vakila e lomaqu na lomaleqa.”
A tu vakadua o Nana. “Na cava a yaco?”
“Au a vakila edua na yalo ni veivakasalataki niu vodo basikeli tiko kei iratou na noqu itokani. Au mani lesu mai ki vale,” a kaya o Marcie. “Au kila ni oya na Yalo Tabu.”
A mokoti koya o Nana. “Au marau nio a vakarorogo ki na veika o a vakila oya.”
E vakila o Marcie na vinaka ni lomana. “O au talega
Droini mai vei Simini Blocker