!Bodi blong Yu I wan Presen!

Ol bodi blong mit mo bun oli kam long ol defren saes, sep wanem oli save mekem, mo ol kala. !Evri singgel bodi oli ol spesel presen we i kam long God mo hem i wan impoten pat long plan blong hem!

Yumi mas respektem ol bodi ia. Toktok kaen abaot bodi blong yu mo bodi blong ol narawan. Pipol maet bae oli talem ol samting we i no naes abaot yu, be yu no mas bilivim olgeta o tingting hevi long ol toktok blong olgeta.

Bodi blong mit mo bun blong yu i haos blong spirit blong yu. !Wanem yu putum long bodi mo bren blong yu i impoten! Yumi save lukaot gud long ol bodi blong yumi taem yumi kakae ol helti kaekae, stap eksasaes, mo gat inaf slip.

Yumi save lukaot gud long ol spirit blong yumi taem yumi stap lisin long Tabu Spirit, stap prea, mo stap jusum raet.

Sam pipol oli gat moa long 200 bun. Ol bun blong yu oli sapotem mo protektem bodi blong yu. Ol masel blong yu i helpem yu blong yu muv, wokbaot, mo ron.

Ol paep blong hat blong yu oli open mo sat moa long 100,000 taem long wan dei. Hemia i help blong pamem blad tru long ful bodi blong yu.

Bren blong yu i wok had blong andastanem evri samting yu luk, harem mo filim. Hem i strong mo i wok hariap bitim wan kompiuta.

Taem yu stap bigwan, bodi blong yu bae i gro. !Papa long Heven i mekem bodi blong yu blong i stap jenis long ful laef blong yu!

Wanem yu mekem wetem bodi blong yu i moa impoten long olsem wanem man i luk yu. ?Yu bin yusum blong tritim ol narawan mo yuwan i kaen mo blong folem Jisas Kraes?

No komperem bodi blong yu wetem ol narafala pipol. !Tingbaot bodi blong yu i wan presen we i kam long Papa long Heven!

Pikja i kam long Jeff Harvey