Folem ol Hapi Toktok

I Kam long Bethany Bartholomew

Wan tru stori we i kam long YSA.

“?Weaples nao yumi save go mo raet wetem jok? Quinn i askem Mama.

“!Yes!” Mama i talem. “Yumi go.”

Quinn mo smol brata mo smol sista blong hem oli ron i go aotsaed.

“Mi wantem blu wan!” Quinn i singaot.

Kade mo Chloe i karem ol jok tu. Oli sidaon mo stat blong dro long ples blong wokbaot. Mama i pikimap sam red jok mo stat blong raet.

Yang boe i stap kala ples blong wokbaot wetem jok

“?Yu stap mekem wanem?”, Quinn i askem.

“Mi stap raetem ol hapi toktok blong ol pikinini blong skul taem oli stap wokbaot i kambak long haos tedei,” Mama i talem.

Quinn i save luk skul long windo blong hem long fored. Hem i laekem blong tata long ol pikinini taem oli stap wokbaot i go long skul.

“?Wanem ol mesej mi save raetem blong mekem oli smael?” mama i askem.

Yang boe i stap droem ol sta long ples wokbaot wetem jok

Quinn i rid ova solda blong mama. “Yu”

“!Gud Tumas!” Mama i finis raetem.

Quinn i smael mo i gohed blong stap rid. “Yu taf tumas. !Yu save mekem!”

Afta Quinn i gat wan aedia. Hem i stat blong dro wan longfala laen long wan long ol mesej blong mama. Afta hem dro wan nara laen i go long nekis wan. Afta hem i krosem i go long wan narawan.

Woman i stap raetem, ‘!Yu yu taf!’ long ples blong wokbaot wetem jok

“?Yu stap mekem wanem?” Mama i askem.

“Mi stap mekem mekem wan laen blong ol pikinini blong oli wokbaot long hem,” hem i talem. Hem i stat blong ron long laen ia. “?Yu luk? Mi stap soem long olgeta wea ples blong faenem ol hapi toktok.”

“Mi ting se hem i wan gudfala wei blong mekem evriwan i smael,” Mama i talem. Mo hemia i mekem Quinn i smael bigwan.

Yang gel stap dro long jok long ples blong wokbaot narasaed long mesej ia ‘!Yu save mekem!’