Ol Not blong Konfrens

Help i Kam long Heven

Presiden Oaks i tokbaot ol samting we Papa long Heven i givim long yumi blong helpem yumi blong jusum raet. Strong man blong helpem yumi hem i Sevya, Jisas Kraes. From Hem, bae yumi save kasem fogivnes mo laef bakegen afta long ded. Papa long Heven i givim tu long yumi ol komanmen, ol odinens mo ol kavenan, mo Tabu Spirit blong helpem mo gaedem yumi.

!Dro wan wei we Papa long Heven i bin helpem yu!

Kam Moa Kolosap long Sevya

Presiden Eyring i talem se taem hem i yang, sakramen miting i stap long aftenun. Wan dak mo naet we i kolkol, hem i filim wan laet mo wom insaed long japel taem hem i tekem sakramen. Taem oli singsing ol toktok “O Sevya, stap long naet ia wetem mi,” hem i filim lav blong Sevya mo Hem i stap kolosap tru long Tabu Spirit.

Droem wan wei we yu save gro kolosap long Jisas Kraes.

Bilif, Stap Pat, Stap Kam

Sista Wright i serem olsem wanem yumi save kam ol man blong folem Jisas Kraes blong oltaem. Yumi save bilif long Hem taem yumi stap lanem abaot Hem mo filim Tabu Spirit. Yumi save stap pat long Jisas Kraes mo Jos blong Hem taem yumi mekem mo kipim ol kavenan. Mo yumi save kam olsem Hem taem yumi stap folem eksampol blong Hem.

Wan Spesel Presen

Elda Kearon i tokbaot fasin blong stap givim ol presen raon long wol. Yumi givim ol presen we yumi givim mo kasem. !Iven ol penkwin oli givim ston we i saen long wan wan long olgeta olsem wan presen! Wan long impoten presen we i kam long Papa long Heven i save ia se yumi ol boe mo gel blong Hem we Hem i lavem tumas. Taem yumi akseptem presen ia long hat blong yumi, yumi kam blong save moa fulwan huia yumi mo olsem wanem oli lavem yumi fulwan.

Wan Naet Skae we Sta i Saen

Elda Tai mo famli blong hem,wan taem oli bin go kamp anda long ol sta. Ol pikinini blong hem oli bin askem se from wanem oli no save luk ol sta ia taem oli stap long haos. Hem i eksplenem se smok we i tudak i mekem se i had blong luk ol sta. Ol tingting we i pulum man mo temtesen oli save blokem lukluk blong yumi long saed blong spirit. Be wetem fet, yumi kam blong save se Papa long Heven mo Jisas Kraes tufala i oltaem stap.