“!Halo i Kam long Malesia!” Fren, Mei 2025, 12–13.

!Halo i Kam Malesia!

Lanem abaot ol pikinini blong Papa long Heven long evri ples raon long wol.

Malesia i wan kantri long Saotis Esia. Moa long 33 milian pipol oli stap long ples ia. I gat ova long 130 lanwis we oli toktok long hem, we i tekem tu Malay mo Inglis.

Bigfala Trafik Sekol long Wol

Wan trafik sekol long Putrajaea, Malesia, we bigwan blong hem 3.4 kilometa. !Hem i wan bigfala trafik sekol long wol!

Ren bus blong bifo

Taman Negara i wan long ol olfala ren bus long wol. !Hem i gat kolosap 130 milan yia!

Tu(2) Taoa

Petronas Taoa i tu(2) bigfala bilding we i tol long 88 stori. Haf wei antap i gat wan skae brij blong wokbaot krosem i go long tufala bilding.

Ol Animol Blong Ples Ia

I gat plante spesel animol long Malesia! Sam long ol animol ia i ol san bea, ol orankuton, mo ol tapi.

Jaean Kef

!Sarawak Jamba long Malesia i bigwan mekem se yu save putum eit bigfala jet plen long wan ro! Kef ia hem i abaot 700 mita long mo bigwan blong hem i 300 mita.