Gat Tras long Fored blong God

I Kam long Presiden Russell M. Nelson

Oli karemaot long: “Gat Tras long Fored blong God” Liahona, Mei 2025, 127–29.

Taem yumi mekem mo kipim ol kavenan, yumi save gat tras se i kam long Tabu Spirit. Yumi save gat tras se Papa long Heven i harem yumi mo i lavem yumi moa bitim we yumi save andastanem. Yumi save gat tras se Hem i wantem tumas blong helpem wanwan long yumi blong kasem ples we yumi wantem kasem. !Bigfala lav mo klin fasin i openem rod blong gat tras long fored blong God!

!Bigfala lav long evri man i fasin ia nao blong wan man we i putum pis! Letem yumi prea long Papa long Heven blong fulumap ol hat blong yumi wetem bigfala lav.

Klin fasin i mekem evri samting i kam moa gud mo moa hapi! Sapos yu gat wan tingting we i nogud, wan tingting we i no klin, o wan tingting we i gat sore, klin fasin bae i ronemaot ol tingting ia.

Ol tingting, toktok, mo ol aksen blong yumi i mas fulap olgeta wetem klin lav mo lav blong Kraes we i klin gud we Hem i gat long evri man. Mi invaetem yu blong bildimap tras blong yu long fored blong Lod.

Stadi Aot long Maen

Dro o raetem ol ansa blong yu i go long ol kwestin ia abaot mesej blong Presiden Nelson.

?wanem wei nao yu save soem lav mo bigfala lav long ol narafala man?
?Wanem wan samting we i gud we yu save tingbaot sapos i nogud, i no klin, o i mekem man i harem nogud we i kam long maen blong yu?

?Wanem skripja nao Presiden Nelson i yusum blong tijim abaot bigfala lav mo klin fasin. (: !yu save yusum kaen fasin blong yu blong helpem ol narawan!)