Ol Gospel Toktok blong Mi

!Lukaotem ol toktok mo sentens ia insaed long namba ia blong Fren!

Komanmen

Wan komanmen i wan samting Papa long Heven i askem yumi blong mekem from Hem i lavem yumi. Ol komanmen oli ol daereksen we Hem i givim long yumi mekem se yumi save stap hapi mo gobak long Hem wan dei. Yumi kasem ol blesing taem yumi folem ol komanmen blong Hem.

Ol Presen blong Spirit

Tru long Tabu Spirit, Papa long Heven i givim long yumi ol presen blong Spirit blong blesem ol narafalawan. I no evriwan i gat semmak presen, be evriwan oli gat wan presen blong spirit we i kam long God. Yu save rid abaot sam long ol presen ia long Doktrin mo Ol Kavenan 46:11–26.

Testemoni

Wan testemoni i wanem we yu bilif o save se i tru abaot Papa long Heven mo Jisas Kraes mo gospel blong Tufala.

Laef we I No Save Finis

Tangkyu from Atonmen mo Girap Bakegen long Ded blong Jisas Kraes, yumi save gat laef we i no save finis, we i minim se bae yumi laef blong oltaem wetem Papa long Heven, Jisas, mo ol famli blong yumi.