Ol Aktiviti blong Kam Folem Mi

Ol skripja oli tijim olsem wanem i impoten blong folem ol komanmen blong God (luk long Doktrin mo Ol Kavenan 42). Karem wan man blong hem i stap olsem lida mo stanap long fored blong grup. Taem we oli talem “grin laet,” evriwan i save muv i kam fored. Taem we oli talem “red laet,” !evriwan i mas stop!

Wan enjel bae i blo trampet taem we Jisas Kraes i kambak bakegen (luk long Doktrin mo Ol Kavenan 45:45). !Mekem pepa trampet blong yuwan! Rolem wan pis pepa i go long wan sep blong kon mo tepem blong klosem. Yu save ademap wan handel i go long trampet blong yu o sekol blong ol baten. Afta praktis blong stap toktok long trampet blong yu mo talem from wanem yu lavem Jisas Kraes.

God i bin givim evriwan ol presen long saed blong spirit. Hemia i minim se Hem i blesem yumi wetem ol talen tru long Tabu Spirit (luk long Doktrin mo Ol Kavenan 46:11–33). Faenem wan emti jag o kap. Long ol pis pepa, raetem ol defren talen o ol presen we wan i maet gat. Go raon long rum mo pikimap pis pepa long jag mo givim nem long huia yu save se i gat presen ia!

Gospel blong Jisas Kraes samtaem oli singaotem kavenan we i no save finis (luk long Doktrin mo Ol Kavenan 49:9, 12–14). Presiden Nelson i singaot rod ia rod blong kavenan. Long sam pepa, raetem daon ol wei we yu save folem Jisas Kraes. Mekem wan rod wetem ol pepa mo wanwan i wokbaot long hem.