“5 Wei blong Handelem Ol Bigfala Filing,” Fren, Maj 2025, 38–39.
5 Wei blong Handelem Ol Bigfala Filing
!Laef i save had samtaem! Blong filim ol bigfala filing olsem, harem nogud o wari, i pat blong eksperiens blong yumi long wol.
Insaed long olgeta skripja, yumi lanem se iven Sevya tu i harem nogud samtaem (luk long Jon 11:32 –36). Jisas Kraes i bin safa long evri kaen harem nogud. From hemia, Hem i save gud olsem wanem nao yu filim. Hem i save gud olsem wanem nao blong helpem yu. (Luk long Alma 7:11–12.)
Hemia i faef samting blong helpem yu taem yu filim se tingting i stap daon.
1
Prea long Papa long Heven blong kasem help.
Taem yu prea blong kasem help, Papa long Heven mo Jisas Kraes bae tufala i lidim yu (luk long Alma 37:36–37). Tufala lavem yu mo wantem sapotem yu.
2
Tingbaot se oli lavem yu.
Skripja i tijim se “praes blong ol sol i bigwan tumas long ae blong God” (Doktrin mo Ol Kavenan 18:10). !Hemia i minim se oli lavem yu mo yu impoten long Papa long Heven!
3
!Go aotsaed!
Papa long Heven mo Jisas Kraes tufala i krietem naesfala wol ia blong yumi. Stap pleiplei aotsaed i help blong mekem yu gro helti mo strong, mo bae i helpem yu harem gud mo gat gud tingting.
4
Raetem daon hao nao yu filim.
Kipim wan jenol i save helpem yu tingbaot ol lesen yu bin lanem long laef. Bae i save helpem yu tu andastanem gud wanem yu stap filim.
5
Toktok long wan adalt we yu trastem.
Taem yu toktok long wan man abaot olsem wanem yu filim, bae oli save rimaenem yu olsem wanem yu spesel. Oli save helpem yu tu blong olsem wanem yu save kasem sapot we yu nidim.
Samtaem yu mekem evri samting be yu stap harem nogud yet. Maet yu nid blong toktok long wan dokta blong i helpem yu. Mo evri taem yu save askem wan prishud blesing. !Nomata wanem yu stap gotru long hem, yu no stap yuwan! Papa long Heven mo Jisas Kraes i lavem yu. Oli wantem blesem yu mo helpem yu.
Pikja droing i kam long Stephanie Mackay