“Stap Lukaotem Ol Manki,” Fren, Maj 2025, 4–5.

Stap Lukaotem Ol Manki

I kam long Chelsea Mortensen

“I semmak long olsem wanem mi save harem Tabu Spirit taem mi lisin.”

Wan tru stori we i kam long Kosta Rika.

Boe wetem san glas i no smael taem wan gel mo wan boe biaen long hem i stap smael mo poen i go long wan samting aotsaed long frem

“!Tru ia!” Ethan i talem. “?Yu yu luk hemia?”

“Yes, tel blong hem i naes we!” Lily i talem.

Boston i lukluk antap, be hem i luk ol sado nomo.

“!Yumi luk tri manki finis tedei!” Ethan i talem.

!Be Boston i no luk wan nomo! Famli blong hem i stap visitim wan bus blong luk ol wael manki. Be ol manki ia oli stap longwe tumas blong Boston i luk.

Boston hem i blaen. Hem i save luk ol samting we i stap kolosap nomo long hem. Plante taem, hem i no wantem save sapos hem i blaen. Be hem i save mekem plante taf samting. Hem i save rid long Braille wetem ol fingga blong hem mo wokbaot long stik blong wokbaot blong hem long tudak. Mo hem i save faenem ol man taem hem i harem voes blong olgeta.

Be samtaem Boston i no laekem blong stap blaen. Olsem tedei.

Boston i sidaon mo i pulum win blong hem. !Hemia i no fea! hem i tingting.

Sam minit afta, hem i gat wan tingting. Papa long Heven, plis helpem wan manki bae i kam kolosap inaf blong mi save luk, Boston i prea insaed long maen blong hem.

Boston i no luk eni manki yet. Be afta, hem i harem wan noes longwe.

Boe wetem sanglas i smael taem hem i stap holem sora blong hem

“?Yu yu harem hemia?” Boston i i askem. “!Mi ting se i wan manki!”

“Mi no harem wan samting,” Ethan i talem.

“Mi tu,” Papa i talem. “!Yu gat ol gudfala sora!”

Boston i harem wan manki i ron tru long ol bus kolosap long rod. Hem i poenem i go long ples we noes i stap kam long hem. “Long ples ia!”

Be afta, hem i harem wan noes bakegen, afta narawan bakegen. Samtaem ol famli blong hem oli luk ol manki taem hem poenem olgeta. Be ol manki ia oli no kam kolosap blong Boston i luk.

Boe wetem sanglas i toktok wetem ol toktok we i stap insaed long wan balun i stap soem ol saon blong wef.

Kolosap hem i taem blong gobak long haos.

“Mi sore yu no luk wan manki,” Mama i talem taem oli stap wokbaot i go long trak.

Boston i leftemap tufala solda. “Hem i Oraet. Mi wantem luk wan, be mi gat janis ia blong harem olgeta fulap.” Afta, hem i stap tingting abaot prea blong hem. “I mekem mi tingbaot Tabu Spirit.”

“?Yu stap minim wanem?” Mama i askem.

“Taem mi stop blong lisin, mi luksave se oli stap raon long mi. Mi bin save harem olgeta iven we mi no bin luk olgeta. I semmak olsem taem mi save harem Tabu Spirit taem mi lisin.”

“Hemia wan gudfala lesen,” mama i talem.

Boston i harem wan samting long ol bus kolosap long hem. Afta wan samting i ron i kam long rod—fored long hem! Hem i gat red hea mo wan longfala tel. I stop mo lukluk stret long hem. Afta i ron bakegen i go insaed long ol tri.

!Wan Manki! !Hem i gat janis blong luk wan!

Boston i smael. Blong stap blaen i wan had samtaem. Be tedei, i helpem hem blong lanem abaot Tabu Spirit. Mo hemia i naes tumas.