Pis we i kam tru long Tempol

I Kam long Presiden Henry B. Eyring

Seken Kaonsela long Fas Presidensi

Oli karemaot long “Evri Samting Bae I Gud from Ol Tempol Kavenan,” Liahona,, Mei 2024, 24–27.

Plante yia i pas, waef blong mi mo mi i draev i go long Aedaho Fol Aedaho Tempol. Ol fofala yang boe blong mitufala i stap long haos wetem wan bebi sita.

!Taem mitufala stap rere blong gobak long haos, wan long ol wokman blong tempol i talem long mifala se bigfala wol simen blong Teton Dam we oli jes bildim long is blong Aedaho i foldaon! Haf long siti blong mitufala i bin draon.

Waef blong mi mo mi i nil daon mo prea long Papa long Heven from sefti blong ol dia pikinini blong mitufala mo ol taosen narawan we oli stap fesem semmak disasta ia. Ol toktok ia oli kam klia long hat mo maen blong mi: “nomata wanem bae i hapen, evri samting bae i oraet from tempol.” Mitufala i glad blong lanem afta se ol boe blong mitufala oli sef.

I nogat wan samting we i moa impoten bitim hemia blong givim ona long ol kavenan we yu stap mekem o bae yu mekem insaed long tempol. Nomata wanem, evri samting bae i oraet from ol kavenan blong tempol.

Tempol Rod

Tempol i save karem pis i kam long yumi long taem blong ol hadtaem. !Folem rod ia kasem antap long Aedaho Fol Aedaho Tempol!