Strong Anika

“?Yu rere?” Mama i askem.

Anika i saksakem hed blong agri mo i haggem tedi bea blong hem. Bae hem i karem i go long jos. Hem i hop se bae i helpem hem blong hem i gat strong tingting.

Anika i gat wan pat blong talem long Praemeri program tedei. Be hem i niu long kantri ia. Hem i no toktok gud Inglis. Bae hem i talem nomo long Spanis. ?Bae evriwan i andastan?

Mama i haggem hem. “Mi save se yu stap wari. !Be tingbaot. Tabu Spirit bae i stap wetem yu! Yu no stap yuwan.”

Toktok ia i mekem hem i harem gud smol. Hem i smael long tedi bea blong hem. Afta bae i gat tri long mifala, hem i tingting. !Mi, bea blong mi, mo Tabu Spirit!

Long Praemeri program, klas blong Anika i tokbaot wanem oli lanem long yia ia. Oli go long fored, wan afta wan. I no longtaem i taem blong Anika.

Hem i haggem bea blong hem. !Blong mekem hem i gat strong paoa long tingting!

“Famli blong mi oli stap stadi ol skripja wetem Kam folem mi evri naet,” Anika i talem long Spanis. Hem i pulum gud win blong hem. “Mifala i lanem olsem wanem Josef Smit i fogivim olgeta we oli mekem nogud long hem. Mi save fogivim ol narafala man tu. Long nem blong Jisas Kraes, amen.”

Anika i gobak sidaon long jea blong hem. Tija blong hem i smael long hem mo bea blong hem. “Gud wok”, hem i talem. “Yutufala tugeta i strong!”

Anika i filim gud long hat blong hem. !Hem i bin strong ! Mo hem i bin save se Tabu Spirit i stap wetem hem.

Ol pikja droing oli kam long Katie Rewse